ភ្នំពេញ: កងកម្លាំងអន្តរាគមន៍នៃអធិការដ្ឋាននគរបាល ខណ្ឌពោធិ៍សែនជ័យ បានចុះឃាត់ខ្លួនជនសង្ស័យម្នាក់ ជាប់ពាក់ព័ន្ធនឹងគ្រឿងញៀន។

ហេតុការណ៍ខាងលើនេះ បានកើតឡើងនៅវេលាម៉ោង១១ និង៣០នាទីយប់ថ្ងៃទី២០ ខែឧសភា នៅចំណុចមុខសាលាប៉េអឹម ស្ថិតក្នុងភូមិត្រពាំងគល់ សង្កាត់កន្ទោក ខណ្ឌពោធិសែនជ័យ រាជធានីភ្នំពេញ ។

ជនសង្ស័យខាងលើមានឈ្មោះ ស៊ិម លីហៀង ហៅតាក់ ភេទប្រុសអាយុ២៤ឆ្នាំ មុខរបរលក់សាំង ស្នាក់នៅភូមិប្របវត្ត ឃុំព្រៃពួច ស្រុកអង្គស្នួល ខេត្តកណ្តាល។

វត្ថុតាងដែលដកហូតបាន រួមមានម្សៅក្រាមពណ៌សថ្លា សង្ស័យជាគ្រឿងញៀនចំនួន១កញ្ចប់ ព្រមទាំង
ម៉ូតូមួយគ្រឿម៉ាក ហ្ស៊ុយស៊ីគីនិច ពណ៌ស ពាក់ស្លាកលេខភ្នំពេញ1BI-3975។

បើតាមសមត្ថកិច្ច បានឲ្យដឹងថា នៅមុនពេលកើតហេតុ កម្លាំងអន្តរាគមន៍នៃអធិការដ្ធនានគរបាលខណ្ឌពោធិសែនជ័យ បានធ្វើការល្បាតក្នុងភូមិសាស្ត្រ ដើម្បីបង្ការ និងបង្ក្រាបបទល្មើសក្នុងមូលដ្ឋាន លុះពេលជិះមកដល់ចំណុចអតីតបញ្ជរ បង់ប្រាក់រថយន្តកំបូល (AZ) ទល់មុខសាលាប៉េអឹម ស្ថិតក្នុងភូមិត្រពាំងគល់ សង្កាត់កន្ទោក ខណ្ឌពោធិសែនជ័យ រាជធានីភ្នំពេញ ក៏ឃើញជនសង្ស័យ ជិះម៉ូតូមួយគ្រឿងធ្វើដំណើរមក ដោយមានការសង្ស័យកម្លាំង បានធ្វើការជិះដេញតាម ហៅឲ្យឈប់ដើម្បីធ្វើការឆែកឆេរ ក៏រកឃើញម្សៅក្រាមពណ៌សថ្លា ចំនួន១កញ្ចប់ នៅលើខ្លួនជនសង្ស័យ ទើបកម្លាំងនគរបាលបានឃាត់ខ្លួន រួមជាមួយវត្ថុតាងយកមកកាន់ផ្នែកជំនាញ នគរបាលយុត្តិធម៌នៃអធិការដ្ធាននគរបាល ខណ្ឌពោធិសែនជ័យ ដើម្បីធ្វើការសាកសួរ និងកសាងសុំណុំរឿង ដោយឃុំខ្លួនបណ្តោះអាសន្ន រងចាំបញ្ចូនឡើងតុលាការចាត់ការតាមនិតិវិធីច្បាប់៕