ភ្នំពេញៈ ស្ត្រីម្នាក់បានកាន់រូបថតកូនស្រីមកប្តឹងសមត្ថកិច្ចប៉ុស្តិ៍នគរបាលស្ទឹងមានជ័យឲ្យជួយរកកូនស្រីរបស់គាត់ដែលបានបាត់ពីផ្ទះអស់១សប្តាហ៍ទៅហើយ។

ហេតុការណ៍នេះបានកើតឡើងកាលពីវេលាម៉ោង៩និង១៥នាទី ព្រឹកថ្ងៃទី២៦ ខែឧសភា ឆ្នាំ២០១៧។

តាមសម្តីស្រ្តីជាម្តាយកូនស្រីខាងលើបានរៀបរាប់ទាំងទឹកភ្នែករលីងរលោងប្រាប់ភ្នាក់ងារPost News ឲ្យដឹងថា កូនស្រីរបស់គាត់ដែលចាកចេញពីផ្ទះមានឈ្មោះ ហ៊ុន មករា អាយុ១៧ឆ្នាំ។ ចំណែករូបគាត់ជាម្តាយមានឈ្មោះ ហូ ផានី អាយុ៤៥ឆ្នាំ មុខរបរនៅផ្ទះ។

ជាចុងក្រោយនេះរូបគាត់សូមអង្វរកូនស្រីឲ្យត្រលប់មកផ្ទះវិញ ម្តាយមិនខឹង មិនរករឿងវាយកូនទេ ម្តាយបារម្ភពីសុខទុក្ខកូន ម្តាយដេកមិនលក់បក់មិនល្ហើយ ម្ដាយនឹកកូនណាស់៕

https://youtu.be/KXW_Xe2xnAc