បាត់ដំបងៈ កាលពីរថ្ងៃទី១៣ ខែមិថុនា ឆ្នាំ២០១៧ វេលាម៉ោង៩យប់ សមត្តកិច្ចស្រុកបវេលបានឃាត់ខ្លួនបុរសម្នាក់ ពីបទ រំលោភសេពសន្ថវៈលើកុមារីមិនទាន់គ្រប់អាយុ(អនីតិជន) នៅចំណុចកស្វាយ ភូមិត្រពាំងក្បាលស្វា ឃុំឃ្លាំងមាស ស្រុកបវេល ខេត្តបាត់ដំបង។
ជនសង្ស័យឈ្មោះ សាន និមល ហៅប៉ោច ភេទប្រុស អាយុ៣៦ឆ្នាំ រស់នៅភូមិត្រពាំងក្បាលស្វា ស្រុកបវេល ខេត្តបាត់ដំបង។ បានធ្វើសកម្មភាពរំលោភ ទៅលើកុមារីឈ្មោះ វ.ស.ជ.ត អាយុ១៤ឆ្នាំ និងកុមារីម្នាក់ទៀតត្រូវជាប្អូនបង្កើតឈ្មោះ វ. ស.ជ. អាយុ១០ឆ្នាំ កុមារីទាំង២នាក់នេះ ត្រូវបានជនសង្ស័យចាប់រំលោភបានសម្រេច៣ទៅ៤ដង។
បច្ចុប្បន្នជនសង្ស័យ ត្រូវបានសមត្ថកិច្ចស្រុកបវេល ចាប់បញ្ជូនយកទៅសាលាដំបូងខេត្តបាត់ដំបង ចាត់ការតាមនិតិវិធីច្បាប់៕
មតិយោបល់