ភ្នំពេញ: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីប្រទះឃើញសពបុរសជនជាតិអូស្រ្តាលីម្នាក់ ដេកស្លាប់នៅក្បែរ អគារជាន់ទី៦ វិទ្យាស្ថាន អាយ ស៊ី អេស ។
ហេតុការណ៍នេះបានកើតឡើងកាលពីវេលាម៉ោង៩ និង៣០នាទីព្រឹក ថ្ងៃទី២១ ខែមិថុនា ឆ្នាំ២០១៧ ស្ថិតនៅផ្ទះលេខ១៤ ផ្លូវលេខ២១៤ ភូមិ៣ សង្កាត់បឹងរាំង ខណ្ឌដូនពេញ រាជធានីភ្នំពេញ។

សមត្ថកិច្ចបានឲ្យដឹងថា បុរសជនបរទេសស្លាប់ខាងលើមានឈ្មោះ CAMERON ROBET CRAIG អាយុ៦៣ឆ្នាំ ជនជាតិអូស្រ្តាលី កាន់លេខលិខិតឆ្លងដែនលេខ N6281959 មុខរបរ គ្រូបង្រៀននៅសាលាវិទ្យស្ថាន អាយ ស៊ី អេស ស្នាក់នៅផ្ទះជួល ផ្លូវលេខ១៩ សង្កាត់ជ័យជម្នះ ខណ្ឌដូនពេញ។

ប្រភពព័ត៌មានពីឈ្មោះ MARTIN TASH ភេទប្រុស ជនជាតិអង់គ្លេស អាយុ៦២ឆ្នាំ នាយសាលា អាយ ស៊ី អេស មុនពេលកើតហេតុ រូបគាត់ទៅសាលា ហើយធ្វើការជាធម្មតាដូចរាល់ដង លុះដល់វេលាម៉ោងកើតហេតុខាងលើ គាត់ក៏បានដើរចេញក្រៅបន្ទប់ជក់បារី ហើយក្រឡេកមើលដីឡូត៍ខាងកើតជាប់សាលា ស្រាប់តែប្រទះឃើញជនបរទេសខាងលើដេកស្លាប់ ក៏បានរាយការណ៍ទៅសមត្ថកិច្ចចុះមកពិនិត្យ។

ក្រោយពីការពិនិត្យរបស់ការិយាល័យបច្ចេកទេសវិទ្យសាស្ត្រ និងលោកវេជ្ជបណ្ឌិត នង សុវណ្ណរត្នន៍ បានឲ្យដឹងថា ជនរងគ្រោះធ្វើអត្តឃាតលោតពីអគារជាន់ទី៦ ប៉ះទង្គិចក្បាល សម្លាប់ខ្លួនពិតប្រាកដមែន បន្ទាប់មកបានប្រគល់ឲ្យទៅប្រពន្ធយកទៅវត្តពោធិ៍ចិនតុង ដោយមានការអនុញ្ញាតពីស្ថានទូតសាម៉ី ធ្វើបុណ្យតាមប្រពៃណី៕