ភ្នំពេញ: នៅវេលាម៉ោង១២ និង៤០នាទីយប់ ឈានចូលថ្ងែទី២៥ ខែមិថុនា ឆ្នាំ២០១៧ សមត្ថិកិច្ចខណ្ឌសែនសុខ បានឃាត់ខ្លួនបុរសបីនាក់ បន្ទាប់ពីឆែកឃើញលាក់ទុកដាវសាមម៉ូរ៉ៃ ទុកក្នុងម៉ូតូកងបីរបស់ពួកគេ តាមបណ្តោយផ្លូវលេខ២០០៤ កែងនិងផ្លូវលេខ៣៧១ ហៅ ( សឡា ) ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។​

ប្រភពដដែរបានប្រាប់ថា បុរសទាំងបីនាក់នេះ ត្រូវបានឃាត់ខ្លួន ដោយសារតែពេលដែលកម្លាំងល្បាតជិះម៉ូតូល្បាត​តាមបណ្តោយផ្លូវ២០០៤ លុះមកដល់ផ្លូវកែង៣៧១ ហៅផ្លូវ ( សឡា )​ក៏ប្រទះឃើញបុរសទាំងបីនាក់ខាងលើ កំពុងតែអង្គុយផឹកស្រា ដោយមានការសង្ស័យ កម្លាំងក៏ជិះម៉ូតូចូលទៅសួរនាំ ហើយបានធ្វើការឆែកខ្លួន និងលើម៉ូតូកងបី ក៏រកឃើញ ដាវសាមម៉ូវ៉ៃមួយដើមយ៉ាងវែង ដែលពួកគេលាក់ទុកក្នុងម៉ូតូកង់បី ។

តាមសម្តីបុរសដែលជាម្ចាស់ម៉ូតូកងបី បានបញ្ជាក់ប្រាប់កម្លាំងកងរាជអាវុធហត្ថខណ្ឌសែនសុខ ថា តាមការពិតទៅដាវមួយដើមនេះ គាត់ជាអ្នករើសបាន ពេលដែលរើសបានមិនដឹងជាយកទៅណា ក៏បានយកទុកក្នុងម៉ូតូកងបី ដើម្បីទុកការពារខ្លួន​តែម្តងទៅ ។​

បច្ចប្បន្នបុរសទាំងបីនាក់ ត្រូវបានកម្លាំងរាជអាវុធហត្ថខណ្ឌសែនសុខ ធ្វើការឃាត់ខ្លួនយកទៅសួរនាំដើម្បីអោបរំ ៕