ការប្រកបរបររកស៊ី រមែងតែងចង់បានមកវិញនូវប្រាក់ចំណេញ មិនថាអាជីវកម្មខ្នាតតូច មធ្យម ឬក៏ខ្នាតធំ ដើម្បីឲ្យដំណើរការនៃអាជីវកម្មរបស់ខ្លួន មានភាពរីកចម្រើនទៅមុខ។ យ៉ាងណាមិញ នៅក្នុងលទ្ធិប្រជាធិបតេយ្យ គឺទាមទារឲ្យមានការគោរពច្បាប់ ទាំងរូបវន្តបុគ្គលនីមួយៗ ស្ថាប័នរដ្ឋ និងក្រុមហ៊ុនឯកជននានា។ បើយើងក្រឡេកមើលឲ្យគ្រប់ជ្រុងជ្រោយ ប្រាក់ចំណូលរបស់រដ្ឋមួយភាគ គឺបានមកពីការប្រមូលពន្ធ ដើម្បីយកទៅអភិវឌ្ឍប្រទេសជាតិ ដោយការប្រមូលពន្ធនេះ អាចស្ដែងឡើងតាមរូបភាពដូចជា ការប្រមូលពន្ធលើប្រាក់ចំណេញនៃអាជីវកម្ម ប្រាក់បៀវត្សបុគ្គលិក ពន្ធអាករលើតម្លៃបន្ថែម(VAT) និងការប្រមូលទៅលើពន្ធដ៏ទៃទៀត។ វាពិតជាចាំបាច់ណាស់សម្រាប់ ម្ចាស់អាជីវកម្ម និង គណនេយ្យករ នៅតាមបណ្ដាក្រុមហ៊ុននានា ដែលត្រូវយល់ដឹងអំពីប្រព័ន្ធនៃការបង់ពន្ធ កាលបរិច្ឆេទ នីតិវិធីសម្រាប់ការតវ៉ា បញ្ហាជម្លោះ ការពិន័យ និងការអនុវត្តច្បាប់ពន្ធដារកម្ពុជា។

ការបណ្ដុះបណ្ដាលទៅលើកម្មវិធីសិក្សាពន្ធដារកម្ពុជានៅសាលា CamEd Business School យើងមានអ្នកជំនាញផ្នែកពន្ធដារល្បីៗជាច្រើន ដោយក្នុងនោះមានសាស្ត្រាចារ្យដូចជា៖

លោក សុង កុសល (Song Kosal)៖ លោក កុសល ជាម្ចាស់ក្រុមហ៊ុន CamTB Trusted Solution។ លោកធ្លាប់ជានាយកផ្នែកសារពើពន្ធនៅក្រុមហ៊ុនសនវកម្មអន្តរជាតិ Ernst and Young ប្រចាំនៅកម្ពុជា និងជាអតីតទីប្រឹក្សាជាន់ខ្ពស់ផ្នែកពន្ធដារនៅក្រុមហ៊ុនសវនកម្មអន្តរជាតិ PwC ហើយលោកក៏ធ្លាប់ជាប្រធានផ្នែកសារពើពន្ធ និងសេវាសាជីវកម្មនៅក្នុងក្រុមហ៊ុនសវនកម្មអន្តរជាតិ KPMG កម្ពុជាផងដែរ។
លោក អេង រតនា (Eng Ratana)៖ លោកជាប្រធាននាយកដ្ឋានអ្នកជាប់ពន្ធធំនៃអគ្គនាយកដ្ឋានពន្ធដារ ហើយគាត់ក៏ជាអ្នកឯកទេសផ្នែកពន្ធដារឈានមុខគេនៅប្រទេសកម្ពុជា។
លោក ស៊ឹម ឡាយស៊ីម (Sim Laysym)៖ ជាមួយនឹងសញ្ញាបត្រផ្នែកគ្រប់គ្រង លោកគឺជាអ្នកប្រឹក្សាយោបល់ផ្នែកពន្ធដារដ៏មានបទពិសោធន៏មួយរូប។ លោកក៏ជាប្រធានក្រុមផ្នែកដោះស្រាយវិវាទនៃក្រុមហ៊ុន VDB Loi និងជាសមាជិកក្រុមប្រឹក្សាយោលបល់ផ្នែកពន្ធជាន់ខ្ពស់ ដែលផ្ដោតសំខាន់ទៅលើផ្នែកសវនកម្មពន្ធដារ និងវិវាទផ្នែកពន្ធដារ។

សាស្ត្រាចារ្យទាំងអស់នឹងចែករំលែកទាំងទ្រឹស្ដី និងការអនុវត្តជាក់ស្ដែងនៅក្នុងប្រព័ន្ធពន្ធដារកម្ពុជាដូចជា ការគណនាពន្ធលើប្រាក់ចំណេញ(Tax on profit) ការគណនាពន្ធកាត់ទុក ការគណនាពន្ធលើប្រាក់បៀវត្ស ការគណនាពន្ធអាករលើតម្លៃបន្ថែម (VAT) បូករួមនឹងអត្ថប្រយោជន៏ផ្សេងៗ ជាពិសេសនោះគឺវិធីសាស្ត្រក្នុងការគណនាថ្លៃបង់ពន្ធ ដោយភាពត្រឹមត្រូវសមស្របតាមក្របខណ្ឌច្បាប់ពន្ធដារកម្ពុជាដោយមិនមានការបង់ខ្វះ ឬលើស ប៉ុន្តែនឹងជួយសន្សំនូវប្រាក់ចំណេញរបស់អាជីវកម្មក្រុមហ៊ុន។

កម្មវិធីនេះ សិក្សារយ:ពេលពីរម៉ោងកន្លះ ជារៀងរាល់ថ្ងៃ សៅរ៍ ឬអាទិត្យ ដោយមានរយ:ពេលប្រាំខែ។ សញ្ញាបត្រជំនាញពន្ធដារកម្ពុជា គឺជាសញ្ញាបត្រមួយដែលមានការទទួលស្គាល់ជាលក្ខណ:អន្តរជាតិពីសំណាក់សមាគមគណនេយ្យករជំនាញ ហៅកាត់ថា ACCA នៅចក្រភពអង់គ្លេស និងពីសំណាក់ក្រុមប្រឹក្សាជាតិគណនេយ្យនៃក្រសួងសេដ្ឋកិច្ច និងហិរញ្ញវត្ថុ។ ជាពិសេសអ្នកដែលមានសញ្ញាបត្រនេះនឹងត្រូវបានទទួលការលើកលែងពីការប្រលងទៅលើមុខវិជ្ជា F6 របស់កម្មវិធីសិក្សា ACCA របស់ចក្រភពអង់គ្លេស។

ទទួលចុះឈ្មោះសិក្សាចាប់ពីពេលថ្ងៃនេះ រហូតដល់ថ្ងៃទី ១០ ខែ កក្កដា ឆ្នាំ ២០១៧។ ដាក់ពាក្យសិក្សាតាមរយ: www.cam-ed.com។ សម្រាប់ពត៌មានលម្អិតសូមទំនាក់ទំនងតាមរយ:អ៊ីម៉ែល reception@cam-ed.com ឬ ទូរស័ព្ទលេខ ០២៣ ៩៨៦ ៥២២ / ០២៣ ៩៨៦ ៥២៣ / ០២៣ ៩៨៦ ៩៦០ /០២៣ ៩៨៦ ៩៦១ ។