ភ្នំពេញៈ បុរសម្នាក់រងរបួសធ្ងន់ ខណៈដែលជិះម៉ូតូត្រូវបានរថយន្តស៊ីនទ្រីបើកបុកកិនចំពីលើ។ ហេតុការណ៏គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង៧ព្រឹក ថ្ងៃទី១ ខែកក្កដា ឆ្នាំ២០១៧ ស្ថិតនៅតាមបណ្តោយផ្លូវព្រះមុន្នីរ៉េត មុខផ្សារស្ទឹងមានជយ័ចាស់ ភូមិថ្មី សង្កាត់ស្ទឹងមានជយ័ ខណ្ឌមានជយ័ រាជនីភ្នំពេញ។

យោងតាមប្រភពព័ត៌មានបានឲ្យដឹងថា មុនពេលកើតហេតុ គេឃើញជនរងគ្រោះខាងលើ ជិះម៉ូតូមួយគ្រឿងម៉ាក Icon ពណ៌ផ្ទៃមេឃ ពាក់ស្លាក់លេខ កណ្តាល1M-4144 បើកបរពីទិសដៅពីកើតទៅលិច លុះដល់ចំណុចកើតហេតុក៏មានរថយន្តស៊ិនទ្រី ដឹកសំរាមពេញលើរថយន្ត ពណ៌លឿង ពុំមានស្លាកលេខ បានបើកគេចពីរម៉កមួយគ្រឿងទៀត ពុំចាំស្លាកលេខ ក៏ជ្រុលចង្កូតបុកអ្នកជិះម៉ូតូខាងលើបណ្តាលឲ្យដួលអូសប្រហែល៥ម៉ែត្រ ត្រូវរថយន្តកិនចំពីលើបណ្តាលឲ្យរងរបួសធ្ងន់ ភ្លាមៗនោះត្រូវបានបញ្ជូនទៅសង្គ្រោះបន្ទាន់នៅគ្លីកនិកឯកជន សួគ៌ា។ ចំណែកអ្នកបើកបររថយន្តស៊ិនទ្រីបានបើកទ្វាររថយន្តរត់គេចខ្លួនបាត់ស្រមោល។

ក្រោយពេលកើតហេតុសមត្ថកិច្ចមូលដ្ឋាននិងសមត្ថកិច្ចចរាចរណ៍ខណ្ឌមានជយ័បានចុះមកធ្វើការវាស់វែងនៅកន្លែងកើតហេតុ និងជួយសម្រួលចរាចរណ៍ដើម្បីបញ្ចៀសការកកស្ទះផងដែរ។

សមត្ថកិច្ចបានឲ្យដឹងថា ជនរងគ្រោះខាងលើមានឈ្មោះ កែវ ពិសី ភេទប្រុស អាយុ២៥ឆ្នាំ មុខរបរជាងជួសជុលរថយន្ត ស្នាក់ភូមិភ្នាត សង្កាត់ស្ទឹងមានជយ័ ខណ្ឌមានជយ័ បច្ចុប្បន្ន កំពុងតែសម្រាកនៅគ្លីនិកឯកជនសួគ៌ា។ ចំណែករថយន្តបង្កនិងម៉ូតូរបស់ជនរងគ្រោះត្រូវបានសមត្ថកិច្ចយកទៅរក្សាទុកនៅអធិការដ្ឋានខណ្ឌមានជយ័ដើម្បីធ្វើការដោះស្រាយគ្នានៅពេលក្រោយ៕

https://youtu.be/damHuZKKgyY