ភ្នំពេញ: ជនសង្ស័យម្នាក់ ដែលកូនជាងទើបតែចូលធ្វើការ ត្រូវបានសមត្ថកិច្ចឃាត់ខ្លួន បន្ទាប់ពីខឹងមេកាស្តីបន្ទោសរឿងមិនខំប្រឹងធ្វើការ បានទាញចបដកដែកវាយ ចំក្បាលបែក និងបែកមាត់បាក់ធ្មេញអស់មួយជួរ បណ្តាលឲ្យរងរបួសធ្ងន់ ត្រូវបញ្ជូនទៅសង្គ្រោះបន្ទាន់នៅមន្ទីពេទ្យ ព្រះកុសុម:ភ្លាមៗផងដែរ។

ហេតុការណ៍នេះបានកើតឡើងនៅវេលាម៉ោង៩ និង១៥នាទីព្រឹក ថ្ងៃទី៦ ខែកក្កដា ឆ្នាំ២០១៧ ស្ថិតនៅការដ្ឋានសំណង់ក្នុងបុរីបៃតង ភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ។

សមត្ថកិច្ចបានឲ្យដឹងថា ជនសង្ស័យឈ្មោះ ហេន សម្បិន ភេទប្រុស អាយុ២០ឆ្នាំស្នាក់នៅភូមិសាម្គី៣ សង្កាត់ត្រពាំងក្រសាំង ខណ្ឌពោធិ៍សែនជ័យ មានស្រុកកំណើតនៅ ភូមិរកាខ្នុរ ឃុំរកាខ្នុរ ស្រុកក្រូចឆ្មា ខេត្តកំពុងចាម។ ចំណែកជនរងគ្រោះឈ្មោះ ឃុត វន្នី ភេទប្រុស អាយុ២៤ឆ្នាំ មុខរបរមេកាសំណង់ ស្នាក់នៅក្បែរកន្លែងកើតហេតុ មានស្រុកកំណើតនៅភូមិព្រៃលាស់ ឃុំព្រៃលាស់ ស្រុកពញាឮ ខេត្តកណ្តាល។

ប្រភពដដែលបន្តថា មុនពេលកើតហេតុ ជនសង្ស័យអង្គុយលេងដោយមិនធ្វើការ ពេលដែលជនរងគ្រោះឃើញដូច្នោះ ក៏ស្តីបន្ទោសឲ្យបន្តិចបន្តួច ជនសង្ស័យខឹងទាញចបដងដែកមួយដើមវាយ បង្កជាជម្លោះវាយតប់គ្នាទៅវិញទៅមក បណ្តាលឲ្យជនរងគ្រោះរបួសបែកក្បាល២កន្លែង ធ្ងន់ធ្ងត្រូវបញ្ជូនសង្គ្រោះបន្ទាន់នៅមន្ទីពេទ្យព្រះកុសុម:។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ឃាត់ខ្លួនជនសង្ស័យ ដើម្បីចាត់ការតាមនីតិវិធីច្បាប់៕

//youtu.be/ssQzX1YVX30