កំពង់ស្ពឺ: លោកមេប៉ុស្តិ៍រដ្ឋបាលឃុំវាល ស្រុកគងពិសីបានប្រាប់ Post News ថា មានករណីស្ត្រីចំណាស់ម្នាក់លង់ទឹកស្លាប់។
ហេតុការណ៍ភ្ញាក់ផ្អើលនេះបានកើតឡើងនៅវេលាម៉ោង៤និង១៧នាទីរសៀល ថ្ងៃទី១០ ខែកក្កដា ឆ្នាំ២០១៧ ត្រង់ចំណុចកុងខាងត្បូង ភូមិថ្មបាំង ឃុំវាល ស្រុកគងពិសី ខេត្តកំពង់ស្ពឺ។
ប្រភពព័ត៌មានបានឲ្យដឹងថា ជនរងគ្រោះឈ្មោះ សាត់ សារ៉េត ភេទស្រី អាយុ៥៦ឆ្នាំ រស់នៅភូមិត្រពាំងពោធិ៍ ឃុំវាល ស្រុកគងពិសី ខេត្តកំពង់សឺ្ព។
ប្រភពដដែលបានបន្តថា ជនរងគ្រោះពុំមានកូនចៅនៅជាមួយទេ ហើយគាត់តែងតែហូបស្រាស្រវឹងរាល់ថ្ងៃ ទើបបណ្ដាលឲ្យគាត់លង់ទឹកស្លាប់យ៉ាងដូច្នេះ។
ក្រោយពេលកើតហេតុសាកសពត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី៕
មតិយោបល់