ឧត្តរមានជ័យ: លោកមេប៉ុស្តិ៍អូរស្មាច់ បានប្រាប់Post News ថា មានករណី បុរសម្នាក់ផឹកស្រវឹងខ្យល់គដេកស្លាប់យ៉ាងអាណោចអាធម៌នៅនិងបន្ទប់ជួលគ្មានអ្នកដឹង។

ហេតុការណ៍នេះបានកើតឡើងនៅវេលាម៉ោង២ និង៣០នាទីយប់ រំលងអធ្រាត្រ ឈានចូលថ្ងៃទី១៥ ខែកក្កដា ឆ្នាំ២០១៧ នៅបន្ទប់ជួលលេខJ៥ ក្នុងផ្សារថ្ម ភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តមានជ័យ។

បុរសដេកស្លាប់មានឈ្មោះ លុយ យ៉េត ហៅយន់ ភេទប្រុស អាយុ២៣ឆ្នាំ មុខរបរបុគ្គលិកកាស៊ីណូ អូរស្មាច់រីសត ស្នាក់នៅបណ្តោះអាសន្ន ក្នុងភូមិកើតហេតុខាងលើ។

ក្រោយពេលកើតហេតុ កម្លាំងជំនាញនិងប៉ុស្តិ៍បានចុះត្រួតពិនិត្យសាកសព ក៏បានធ្វើកំណត់ហេតុរួចហើយ បានប្រគល់សាកសពឲ្យទៅឪពុកយកធ្វើបុណ្យនៅស្រុកកំណើតឯខេត្តកំពត តាមប្រពៃណី៕