សៀមរាបៈ លោកវរសេនីយ៍ឯក ភឹង ចិន្ដារ៉េត ស្នងការរងខេត្តសៀមរាបទទួលផែនព្រហ្មទណ្ឌ បានប្រាប់ Post News ថា មានករណីចុះបង្រ្កាបល្បែងស៊ីសង ឃាត់ខ្លួនបានអ្នកលេងល្បែងនិងវត្ថុតាងមួយចំនួន។

ប្រតិបត្តិការនេះបានធ្វើឡើងនៅថ្ងៃទី១៨ ខែកក្កដា ឆ្នាំ២០១៧ ត្រង់ចំណុច ភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប។

លោក ទិត្យ ណារ៉ុង ស្នងការនគរបាលខេត្តទទួលផែនព្រហ្មទណ្ឌបានដឹកនាំក្រុមការងារជំនាញខេត្ត សហការជាមួយកម្លាំងជំនាញបណ្តាអធិការ ព្រមទាំងកម្លាំងជំនាញប៉ុស្តិ៍រដ្ឋបាលជំរុញអនុវត្តនូវវិធានការបង្ការនិងបង្ក្រាបជាបន្តបន្ទាប់នូវមុខសញ្ញា មានដីកាចាប់ខ្លួន មុខសញ្ញាសេសសល់ក្នុងករណី និងមុខសញ្ញាបើកទីតាំងលែងល្បែងស៊ីសង និងអ្នកភ្នាល់ស៊ីសង។

កម្លាំងយើងបានចុះបង្ក្រាបកន្លែងលក់ឆ្នោត(កត់កន្ទុយលេខ)មួយកន្លែងស្ថិតនៅភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប(ផ្សារលើធំថ្មី)ឃាត់អ្នកលក់ឆ្នោត(កត់កន្ទុយលេខ)បានម្នាក់ឈ្មោះ អ៊ុ សុភា ភេទប្រុស អាយុ៣៧ឆ្នាំ មានទីលំនៅបច្ចុប្បន្ន ភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប។ វត្ថុតាងដកហូតរួមមាន ទូរសព្ទដៃចំនួន២គ្រឿង ម៉ាកណូគាចុចពិលពណ៌ខៀវ១គ្រឿង ម៉ាកអាយហ្វូនហ្វាយអេសពណ៌ស១គ្រឿង ក្រដាសកត់លេខឆ្នោត១ដុំ ក្រដាសកាប៊ូន១ដុំ និងប្រាក់១៥ម៉ឺនរៀល។

ឃាត់ខ្លួនអ្នកលេងបៀចំនួន៦នាក់(អប់រំលើកទី១) ទី១ឈ្មោះឡេង ញិប ភេទស្រី អាយុ៤៤ឆ្នាំ ទីលំនៅបច្ចុប្បន្នភូមិវាល សង្កាត់គោកចក ក្រុងសៀមរាប ខេត្តសៀមរាប ទី២ឈ្មោះរ័ត្ន សាវឿន ភេទស្រី អាយុ៤៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប ទី៣ឈ្មោះ ម៉ាន់ ណៃ ភេទស្រី អាយុ៥៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប ទី៤ឈ្មោះ ក្រូច អៀង ហៅលី អៀង ភេទប្រុស អាយុ៤២ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប ទី៥ឈ្មោះ ក្រូច ហាន ភេទប្រុស អាយុ៤៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប និងទី៦ឈ្មោះ ជួប ថេត ភេទប្រុស អាយុ៤៧ឆ្នាំ ទីលំនៅបច្ចុប្បន្នភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប។

ឃាត់អ្នកលេងបៀម្នាក់ ឈ្មោះឆាន់ ណារ៉ុង អាយុ២០ឆ្នាំ នៅភូមិទក្សិណខាងត្បូង សង្កាត់គោកចក ក្រុងសៀមរាប។ មានប្រើប្រាស់សារធាតុញៀន បញ្ជូនទៅការិយាល័យប្រឆាំងគ្រឿងញៀនអនុវត្តតាមនីតិវិធីច្បាប់។

ឃាត់ខ្លួនម្ចាស់ផ្ទះបើកទីតាំងលេងល្បែងស៊ីសងខុសច្បាប់ ម្នាក់ឈ្មោះ ដក់ មុំ ភេទស្រី អាយុ៣៨ឆ្នាំ នៅភូមិទក្សិណខាងត្បូង សង្កាត់គោកចក ក្រុងសៀមរាប។ វត្ថុតាងដកហូតរួមមាន បៀ៣ហ៊ូ ប្រាក់ដុល្លានិងប្រាក់រៀល មួយចំនួន ទូរសព្ទដៃ៥គ្រឿង និងម៉ូតូ២គ្រឿង។

ក្រោយពេលប្រតិបត្តការ សមត្ថកិច្ចបាននាំខ្លួនអ្នកលេងល្បែងខាងលើទៅអប់រំណែនាំ និងសាកសួរដើម្បីបន្តអនុវត្តតាមនីតិវិធីច្បាប់៕