កណ្តាលៈ ករណីគ្រោះថ្នាក់ចរាចរណ៍រវាងរថយន្តនិងម៉ូតូ បណ្ដាលឲ្យស្រ្តីម្នាក់របួសធ្ងន់។
ហេតុការណ៍កើតឡើងនៅវេលាម៉ោង៣ និង៥៥នាទីរសៀល ថ្ងៃទី២២ ខែកក្កដា ឆ្នាំ២០១៧ នៅលើផ្លូវជាតិលេខ២ គីឡូម៉ែត្រលេខ ២៧-២៨ ភូមិព្រែកអង្គុញ ឃុំសៀមរាប ស្រុកកណ្ដាលស្ទឹង ខេត្តកណ្ដាល។

ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេឃើញ ម៉ូតូ១គ្រឿង ម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ1BG-4174 ជិះដោយឈ្មោះ ប៉ូច សំអាត ភេទស្រី អាយុ៥៤ឆ្នាំ ស្នាក់នៅភូមិ ក្រាំងធ្នង់ ឃុំត្បូងដំរី ស្រុកបាទី ខេត្តតាកែវ ក្នុងទិសដៅពីត្បូងមកជើង លុះមកដល់ចំណុចកើតហេតុ ក៏ត្រូវរថយន្តម៉ាក ហ៊ីយ៉ាន់ដាយ ប្រភេទដឹកទំនិញ ពណ៌ខៀវ លាយស ពាក់ស្លាកលេខ ភ្នំពេញ3B.8157 បើកបរដោយឈ្មោះ ឈួន ប៊ុនធឿន ភេទប្រុស អាយុ២៥ឆ្នាំ ស្នាក់នៅភូមិកំណប់ ឃុំត្បែង ស្រុកកណ្ដាលស្ទឹង ខេត្តកណ្ដាល មានអ្នករួមដំណើរម្នាក់ឈ្មោះ ជ័យ រ៉ាវុធ ភេទប្រុស អាយុ២៦ឆ្នាំ នៅភូមិកណ្ដាល ឃុំពត់ស ស្រុកបាទី ខេត្តតាកែវ បើកបរក្នុងទិសដៅពីជើងទៅត្បូង បញ្រ្ចាសទិសគ្នា បានបុកពេញទំហឹង បណ្តាលឲ្យរងរបួសធ្ងន់។

ក្រោយពេលកើតហេតុ ចំពោះវត្ថុតាងរថយន្ត និងម៉ូតូ កម្លាំងជំនាញយកមករក្សារទុកនៅអធិការដ្ឋាន រង់ចាំការដោះស្រាយគ្នាពេលក្រោយតាមនីតិវិធីច្បាប់៕