កំពង់ស្ពឺៈ លោកអធិការស្រុកភ្នំស្រួច បានប្រាប់ Post News ថា នៅថ្ងៃទី២៣ ខែកក្កដានេះ មានករណីបុរសម្នាក់ ពុលត្រីកំពតស្លាប់។

ជនរងគ្រោះ ឈ្មោះ ចៀវ ទឺន ភេទ ប្រុស អាយុ ៤៦ ឆ្នាំ មុខរបរ កសិករ រស់នៅភូមិខ្នងក្រាំង ឃុំតាំងសំរោង ស្រុកភ្នំស្រួច បានទៅដាក់មង នៅចំណុចត្រពាំងពាមរុះ បានត្រីកំពតចំនួន ៣ ក្បាល យកមកធ្វើម្ហូប ពេលហូប ហើយបណ្តាលឲ្យពុលស្លាប់ អំទ្បុងពេលក្រុមគ្រួសារបានបញ្ជូនទៅព្យាបាលពេទ្យបង្អែកកំពង់ស្ពឺ ។

ករណីខាងលើកម្លាំងបច្ចេកទេស បានចុះពិនិត្យឃើញថា មិនមានការពាក់ពន្ធ័នឹងបទល្មើសព្រហ្មទណ្ទនោះទេ រួចបានប្រគល់សព ជូនក្រុមគ្រួសារធ្វើបុណ្យតាមប្រពៃណី៕