(ភ្នំពេញ)៖ ថ្នាក់ដឹកនាំជាន់ខ្ពស់កម្ពុជា បានប្រារឰពិធីបង្សុកូល ឧទ្ទិសមហាកុសលជូនដួងវិញ្ញាណក្ខន្ធ សម្តេចអគ្គមហាធម្មពោធិ៍សាល ជា ស៊ីម និងលោកជំទាវ ញ៉ែម សឿន ក្នុងពិធីបុណ្យចូលឆ្នាំថ្មី ដែលនឹងឈានមកដល់ នាប៉ុន្មានថ្ងៃខាងមុខនេះ ។
ពិធីនេះ បានធ្វើឡើងក្រោមវត្តមានដ៏ខ្ពង់ខ្ពស់សម្តេច វិបុលសេនាភក្តី សាយ ឈុំ ប្រធានព្រឹទ្ធសភា សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ និងលោកជំទាវ ញ៉ែម សាខន មន្ត្រីរាជការ និងអ្នកមុខអ្នកការ ព្រមទាំងកូន ចៅ ចៅទួត និងញាតិសណ្ឋានរបស់សម្តេច ជាច្រើន រូបទៀត។
គួរបញ្ជាក់ថា ពិធីបង្សុកូលឆ្នាំថ្មីនេះ បានប្រារព្ធនាព្រឹកថ្ងៃទី០៨ ខែមេសា ឆ្នាំ២០១៦ ស្ថិតនៅភូមិកន្លែងជ្រៅ ឃុំក្របៅ ស្រុកកំចាយមារ ខេត្តព្រៃវែង ដែលជាស្រុកកំណើតរបស់សម្តេចអគ្គមហាធម្មពោធិ៍សាល ជា ស៊ីម និងលោកជំទាវ ញ៉ែម សឿន ផងដែរ៕
មតិយោបល់