ភ្នំពេញ: រថយន្តស៊េរីទំនើបម៉ាកSiennaបានបើករ៉េចង្កូតបន្តិចក៏ត្រូវរម៉កកង់បីបើកកៀររបើកកាងម្ចាស់រថយន្តទាមទារ៥០ដុល្លារ តែអ្នកបើករម៉កថាគ្មានត្រូវចំណាយពេលជាយូរទម្រាំត្រូវគ្នា។

ហេតុការណ៍នេះបានកើតឡើងកាលពីវេលាម៉ោង១០ព្រឹក ថ្ងៃទី២ ខែតុលា ឆ្នាំ២០១៧ ស្ថិតតាមបណ្តោយផ្លូវបេតុងភូមិទួលសង្កែ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។

ប្រភពព័ត៌មានពីម្ចាស់រម៉កកង់បីបានឲ្យដឹងថា គាត់បានបើករម៉កតាមផ្លូវខាងលើទិសដៅពីជើងទៅត្បូងស្របទិសគ្នា ខណ:មកដល់កន្លែងកើតហេតុដោយផ្លូវចង្អៀតព្រោះសម្បូរឡានម៉ូតូចរាចរណ៍គាត់បានជាន់ហ្គែរបញ្ឈប់រម៉កដោយមិនដឹងថារថយន្តខាងលើកាច់ចង្កូតអែបក្បាលរថយន្តមកស្តាំនោះទេ ហើយពេលផ្លូវរាងទូលាយក៏បន្តដំណើរក៏ស្រាប់តែទាក់កង់រម៉កផ្នែកខាងឆ្វេងជាមួយនិងកាងរថយន្តខាងមុខផ្នែកខាងស្តាំ ខណ:ដែលរថយន្តបត់ក្បាលមកស្តាំក៏ទាក់កាងរបើកឡេវកាងរថយន្តតែម្តង។

ចំណែកម្ចាស់រថយន្តម៉ាក់Sienna ពណ៌ស ពាក់ស្លាកលេខ ភ្នំពេញ2AI-3079 វិញក៏បានឲ្យដឹងមិនខុសគ្នានិងម្ចាស់កង់បីនោះទេតែលោកហាក់បន្ទោសទៅលើម្ចាស់កង់បីថាពេលបើកទៅមុខមិនចេះមើលខាងបានជាទាក់កាងរថយន្តរបស់គាត់។ ហើយខាងម្ចាស់រថយន្តក៏បានទាមទារក្នុងន័យមនោសញ្ចេតនាគឺចំនួន៥០ដុល្លារ ដើម្បីរួមចំណែកជួសជុលរថយន្តព្រោះមិនដឹងថាត្រូវជុលជុលអស់ថ្លៃប៉ុន្មាននោះដោយគាត់និយាយថាគ្រឿងបន្លះសុទ្ធតែថ្លៃៗ។

ចំណែកខាងរម៉កកង់បីវិញឲ្យដឹងថាគាត់មិនចង់ទាមទារថាខាងណាខុសខាងណាត្រូវនោះទេប៉ុន្តែគឺគាត់បានបើកអែបខាងហើយបើគិតឲ្យត្រឹមត្រូវគឺគាត់មិនខុសទេព្រោះរថយន្តបើកបត់មកចូលកង់រម៉កគាត់ហើយទាមទារ៥០ដុល្លារទៀតគាត់មិនមានលុយទេ។

ក្រោយមកទើបម្ចាស់រម៉កខលទៅសាច់ញាតិដើម្បីជួយដោះស្រាយជាមួយម្ចាស់រថយន្តឈានទៅបញ្ចប់រឿង៕