ព័ត៌មានជាតិ

វ៉េវ ២គ្រឿងពន្លះគ្នាពេញទំហឹង របួសធ្ងន់ទាំងសងខាង!

ភ្នំពេញ: តាមសេចក្តីរាយការណ៍ពីភ្នាក់ងារPost News បានឲ្យដឹងថា មានករណីគ្រោះថ្នាក់ចរាចរណ៍មួយកើតឡើង រវាងម៉ូតូម៉ាក វ៉េវ ពណ៌ក្រហម ពាក់ស្លាកលេខ តាកែវ 1A1845 បើកបរដដោយបុរសម្នាក់ ក្នុងទិសដៅពីជើងទៅត្បូង លុះដល់ចំណុចកើតហេតុក៏បានបុកជាមួយនឹងម៉ូតូម៉ាក វ៉េវ ពណ៌ខ្មៅ ពាក់ស្លាកលេខ តាកែវ 1A-6370 ដែលកំពុងបើកបរដោយបុរសម្នាក់ដូចគ្នា ក្នុងទិសដៅពីត្បូងទៅជើង បញ្ច្រាសគ្នាពេញទំហឹង បណ្តាលឲ្យម៉ូតូទាំង២គ្រឿងខ្ទេចយ៉ាងដំណំ ចំណែកអ្នកបើកបរទាំងសងខាងរងរបួសធ្ងន់ ។

ហេតុការណ៍នេះកើតឡើងកាលពីវេលាម៉ោង៩យប់ ថ្ងៃទី៣ ខែតុលា ឆ្នាំ២០១៧ ស្ថិតនៅចំណុចផ្លូវ២៦៣ សង្កាត់អូរឡាំពិក ខណ្ឌចម្ការមន រាជធានីភ្នំពេញ៕

មតិយោបល់