ព័ត៌មានជាតិ

រថយន្តអូឌីRS7 មួយគ្រឿង លឿនពេកបុកបង្កាន់ដៃក្រោមស្ពានអាកាស៥មករា!

ភ្នំពេញ: រថយន្តអូឌី ស៊េរីទំនើបមួយគ្រឿង បើកបរដោយបុរសម្នាក់ ក្នុងល្បឿនលឿនពេក ស្រាប់តែបួងចង្កូតមិនទាន់ក៏ជ្រុលទៅបុកនឹងបង្កាន់ដៃស្ពានបណ្តាលឲ្យរថយន្តបាក់បូមខាងមុខរថយន្តបន្តដំណើរទៅមុខលែងរួច ។

ហេតុការណ៍នេះកើតទ្បើងកាលពីវេលាម៉ោង ២និង៣៥នាទីរំលងអធ្រាត្រ ឈានចូលថ្ងៃទី១០ ខែតុលា ឆ្នាំ ២០១៧ ស្ថិតនៅតាមបណ្តោយផ្លូវ ២៨៩ សង្កាត់ផ្សាដេប៉ូ៣ ខណ្ឌទួលគោក រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់បើករថយន្តម៉ាកអូឌីRS7 ស៊េរីទំនើបមួយគ្រឿង ពណ៌សលាយខ្មៅ មិនមានស្លាកលេខ បើកបរទិសដៅពីត្បូងទៅជើងក្នុងល្បឿនលឿន ក៏រ៉េចង្កូតទៅបុកនឹងបង្កាន់ដៃក្រោមស្ពានអាកាស៥មករា បណ្តាលឲ្យរថយន្តរងការខូចខាតផ្នែកខាងមុខបាក់បូមផ្នែកខាងឆ្វេងនៃរថយន្តទៅមុខលែងរួចតែសំណាងល្អមិនបង្កឲ្យនរណាម្នាក់រងរបួសនោះទេ ។

ក្រោយពេលកើតហេតុ សមត្ថកិច្ចមូលដ្ឋាន ក៏បានចុះមកដល់ពិនិត្យមើលថាមិនមានប៉ះពាល់ដល់សម្បត្តិរបស់រដ្ឋនោះទេ ទើបព្រមឲ្យហៅរថយន្តស្ទូចៗយកទៅការ៉ាស់រថយន្តធ្វើខ្លួនឯង៕

មតិយោបល់