ភ្នំពេញៈ បុរស២នាក់រងរបួសជង្គង់ខាងឆ្វេងដូចគ្នា ក្រោយពីជិះម៉ូតូភីស៊ីអេចបុកម៉ូតូស្មាស់វី ដែលនៅខាងស្តាំដៃមានបំណងឆ្លង តែសម្រេចចិត្តបត់មកវិញ ។

ហេតុការណ៍គ្រោះថ្នាក់ចរាចរណ៍រវាងម៉ូតូនិងម៉ូតនេះ កើតឡើងនៅ ខាងមុខខេរ៉ាអូខេ នរគសំរឹត ផ្លូវ១៨២ (ផ្លូវទេពផន) សង្កាត់ទឹកល្អក់៣ ខណ្ឌទួលគោក រាជធានីភ្នំពេញ នៅម៉ោង១២និង២០នាទីថ្ងៃត្រង់ ថ្ងៃទី១០ ខែតុលា ឆ្នាំ២០១៧ ។

តាមប្រភពពីកន្លែងកើតហេតុបានអោយដឹងថា បុរសចំនួន២នាក់ជិះម៉ូតូម៉ាក PCX ពណ៌សលាយឈាមជ្រូក ស្លាកលេខ ភ្នំពេញ 1FZ-8889 ធ្វើដំណើរពីលិចទៅកើត តាមបណ្តោយផ្លូវ១៨២ (ផ្លូវទេពផន) ក្នុងល្បឿនធម្យម មកដល់ចំណុចកើតហេតុស្រាប់តែមានម៉ូតូ Smash-V ពណ៌ខ្មៅ ស្លាកលេខ ភ្នំពេញ 1BF-2057 ដែលចតនៅខាងត្បូងផ្លូវ និងចាប់ផ្តើមជិះចេញ ដោយមានបំណងឆ្លងផ្លូវ តែក៏សម្រេចចិត្តបត់ឆ្វេងចូលមកវិញ ។

ទើបធ្វើអោយម៉ូតូភីស៊ីអេច ដែលបើកបរនៅក្នុងផ្លូវអទិភាពមិនដឹងគេចទៅទីណា ក៏ជ្រុលមកបុកម៉ូតូស្មាស់វីតែម្តង បណ្តាលអោយដួលនិងរងរបួសជង្គង់ខាងឆ្វេងទាំង២នាក់ ។ ចំណែកខាងម៉ូតូSmash vមិនរងរបួសនោះទេ។

ក្រោយកើតហេតុភាគីទាំងសងខាងបានប្រកែកគ្នាយកត្រូវរៀងៗខ្លួន ដោយម៉ូតូស្មាស់វី ដែលជាអ្នកបង្ក ចោតទៅលើម៉ូតូភីស៊ីអេចបើកបរក្នុងល្បឿនលឿន រីឯភាគីរងគ្រោះម៉ូតូភីស៊ីអេច បានទាមទារសំណងថ្លៃជួសជុលនិងព្យាបាលរបួសចំនួន១០០ដុល្លារ។

ភ្លាមៗនោះនរគបាលប៉ុស្តិ៍មូលដ្ឋានបានមកដល់កន្លែងកើតហេតុ ទុកពេលអោយភាគីទាំងសងខាងសម្របសម្រួលគ្នា ដោយខាងម៉ូតូស្មាស់វី យល់ព្រមចេញថ្លៃព្យាបាលជួសជុលម៉ូតូចំនួន៣០ដុល្លារ ដើម្បីបញ្ចប់បញ្ហានៅកន្លែងកើតហេតុតែម្តង ៕