ភ្នំពេញ: គ្រោះថ្នាក់ចរាចរណ៍ នៅទូទាំងប្រទេសនៅថ្ងៃទី៤ ខែមិថុនា ឆ្នាំ២០១៦ គឺកើតឡើងចំនួន ៨លើក (យប់៦លើក) បណ្តាលឱ្យមនុស្សស្លាប់ ៥នាក់ (ប្រុស) រងរបួសធ្ងន់ ៥នាក់ (ប្រុស) របួសស្រាល ១នាក់(ប្រុស)។

គ្រោះថ្នាក់ចរាចរណ៍ទាំង៨លើកនេះ បណ្តាលឲ្យខូចខាតយានយន្ត សរុប ចំនួន ១៤គ្រឿង រួមមាន ម៉ូតូចំនួន ៧គ្រឿង, រថយន្តធុនតូច ២គ្រឿង, រថយន្តធុនធំ ៣គ្រឿង។

ចំពោះមូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍នេះ រួមមាន ល្មើសល្បឿន ៤លើក (ស្លាប់ ៣នាក់) , ប្រជែង ១លើក,មិនប្រកាន់ស្តាំ ២លើក (ស្លាប់២នាក់) ,បត់គ្រោះថ្នាក់ ១លើក ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៦នាក់ (យប់៣នាក់ ) ។

គ្រោះថ្នាក់លើដងផ្លូវ រួមមាន ផ្លូវជាតិ ចំនួន ៥លើក , ផ្លូវខេត្តក្រុង ២លើក , ផ្លូវលំ ១លើក ដោយឡែកយានយន្តដែលបង្កហេតុ រួមមាន ម៉ូតូ ២លើក , រថយន្តធុនតូច ២លើក , រថយន្តធុនធំ ២លើក , គោយន្ត ២លើក។ ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ក្រចេះ ១លើក(ស្លាប់២នាក់),ស្វាយរៀង ២លើក ស្លាប់១នាក់ របួស៣នាក់ ,កោះកុង ១លើក (ស្លាប់ ១នាក់) របួស១នាក់ និងរាជធានីភ្នំពេញ ១លើករបួស១នាក់ ។

ចំណែកលទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកនៅថ្ងៃទី០៤មិថុនានេះឃើញថា យានយន្តដែលល្មើសសរុបទូទាំងប្រទេសមាន ចំនួន ៣,០៥៩គ្រឿង ក្នុងនោះបានធ្វើការអប់រំចំនួន ១,៣៨៦គ្រឿង និងពិន័យសរុប ១,៦៧៣គ្រឿង ៕