កណ្តាលៈ មិនគួរឲ្យជឿសោះ ដែលតាអាយុជិត៧០ឆ្នាំទៅហើយ បែរជាបែកគំនិតទៅគិតរឿងឃោរឃៅ អត់ព្រមតាំងចិត្តខ្លួនជាមនុស្សចាស់ទុំកាន់សីល ទៅប្រព្រឹត្តអំពើថោកទាបលួងលោមយុវតី២នាក់ ដែលធ្លាប់ចេញចូលខ្ចីលុយនិងប្រើទៅចាក់កន្ទុយលេខ រហូតបានយកដៃស្ទាប លូក បបោសអង្អែល និងរំលោភជាច្រើនដងហើយអត់បានសម្រេច ត្រូវយុវតីប្តឹងសមត្ថកិច្ចឃាត់ខ្លួន។

ហេតុការណ៍នេះបានកើតឡើងកាលពីអំឡុងខែមិថុនា ឆ្នាំ២០១៧ និងឃាត់ខ្លួនកាលពីថ្ងៃទី១៣ ខែតុលា ឆ្នាំ២០១៧ នៅចំណុចភូមិព្រែកជីក ឃុំកោះចិន ស្រុកពញាឮ ខេត្តកណ្តាល។

នគរបាល ស្រុកពញាឮ បានឲ្យដឹងថា ជនរងគ្រោះមាន២នាក់ គឺទី១ឈ្មោះ វ.ស.ន ភេទស្រី អាយុ១៤ឆ្នាំ មុខរបរ សិស្ស មានទីលំនៅភូមិ ព្រែកជីក ឃុំកោះចិន ស្រុកពញាឮ ខេត្តកណ្តាល។ ទី២ឈ្មោះ ផ.ស.រ ភេទស្រី អាយុ១៦ឆ្នាំ មុខរបរ នៅក្នុងបន្ទុកឪពុកម្តាយមានទីលំនៅ ភូមិព្រែកជីក ឃុំកោះចិន ស្រុកពញាឮ ខេត្តកណ្តាល។ រីឯជនសង្ស័យឈ្មោះ គិត ចាន់ថុល (ហៅសោរ) ភេទប្រុស អាយុ៦៨ឆ្នាំ ជនជាតិខ្មែរ មុខរបរ កសិករ មានទីលំនៅភូមិព្រែកជីក ឃុំកោះចិន ស្រុកពញាឮ ខេត្តកណ្ដាល។

នគរបាលបានបញ្ជាក់ថា នៅថ្ងៃទី១២ ខែតុលា ឆ្នាំ២០១៧ ជនរងគ្រោះបាននិយាយអំពីរឿងហេតុ ដែលជនសង្សយ័ចាប់រំលោភសេពសន្ថវៈ ប្រាប់ទៅឪពុកម្តាយរបស់ខ្លួន ហើយបន្ទាប់មក អាណាព្យាបាលរបស់ជនរងគ្រោះទាំង២ ក៏បានមកដាក់បណ្តឹងនៅប៉ុស្តិ៍រដ្ឋបាលកោះចិន វេលាម៉ោង៦ ថ្ងៃទី១២ ដដែល។ ក្រោយពីប៉ុស្តិ៍ទទួលពាក្យបណ្តឹងរួចមក កម្លាំងផ្នែកជំនាញនគរបាលយុត្តិធម៌ សហការជាមួយកម្លាំងប៉ុស្តិ៍រដ្ឋបាលកោះចិន បានហៅជនរងគ្រោះទាំង២នាក់ និងជនសង្យ័យមកសាកសួរ ។ ផ្អែកកតាមចម្លើយបំភ្លឺរបស់ជនរងគ្រោះឈ្មោះ បានបំភ្លឺថា ជនសង្ស័យ ធ្លាប់បានចាប់រំលោភសេពសន្ថវៈលើរូបនាង បាន១លើក រីឯលើកក្រោយៗមកទៀត បានត្រឹមតែ ចាប់ថើប ឱប ស្ទាបអង្អែល ច្របាច់ដោះជាដើម គឺចាប់តាំងពីកំឡុង បុណ្យចូលឆ្នាំខ្មែរមក ដោយការលួងលោម និងហាមជនរងគ្រោះមិនអោយនិយាយប្រាប់គេ ។

នៅចំពោះមុខសមត្ថកិច្ចយើង ជនសង្ស័យឈ្មោះ គិត ចាន់ថុល ហៅ សោរ បានឆ្លើយសារភាពថា កន្លងមក រហូតមកដល់ត្រឹមថ្ងៃមិនចាំខែមិថុនា ឆ្នាំ២០១៧ រូបគាត់ ពិតជាធ្លាប់បានធ្វើសកម្មភាពរំលោភសេពសន្ថវៈ ជាមួយជនរងគ្រោះឈ្មោះ ផង់ សុវណ្ណារី ចំនួន៤លើក តែមិនបានដល់ស៊ីជម្រៅទេ ដោយលឹង្គរបស់គាត់ មិនរឹង និងបានត្រឹមតែចាប់ឱប ថើប ស្ទាប អង្អែលច្របាច់ដោះនិងយកដៃស្ទាបលេង ប្រដាប់ភេទតែប៉ុណ្ណោះ។ និងបានប្រព្រឹត្តទៅលើជនរងគ្រោះឈ្មោះ វ.ស.ន បានត្រឹមតែ ឱប ថើប ស្ទាប អង្អែលដងខ្លួន ទាំងខ្លួននាងនៅជាប់សម្លៀកបំពាក់។ មូលហេតុដែលនាំអោយជនសង្ស័យ និងជនរងគ្រោះមានការទំនាក់ទំនងជាមួយគ្នា និងរហូតដល់កើតមានបទល្មើសខាងលើកើតឡើង គឺដោយសារ ជនរងគ្រោះធ្លាប់ចេញចូលផ្ទះជនសង្ស័យខ្ចីលុយនិងទៅកត់កន្ទុយលេខ អោយជនសង្ស័យ។

ករណីនេះ ជនសង្ស័យបន្ទាប់ពីសារភាពរួចសមត្ថកិច្ចក៏បានធ្វើការឃាត់ខ្លួននៅអធិការដ្ឋាននគរបាលស្រុកពញាឮដើម្បីកសាងសំណុំរឿង និងបន្តចាត់ការតាមនីតិវិធី៕