ភ្នំពេញៈ គ្រោះថ្នាក់ចរាចរណ៍មួយបានកើតឡើងខណៈរថយន្តឡិចស៊ីសមិនចាំស្លាកលេខ កំពុងបើកបរហើយស្រាប់តែឈប់បណ្តាលឲ្យរថយន្តហ៊ីយ៉ាន់ដាយដឹកកញ្ចក់អកហ្សើក៏ឈប់ភ្លាមដែរ តែត្រូវរថយន្តហ៊ីយ៉ាន់ដាយដឹកកម្ទេចកំណាត់ ជ្រុលបុកពីក្រោយបណ្តាលឲ្យកូតកញ្ចក់នៅលើរថយន្តបន្តិចនិងកំពិតផ្នែកខាងមុខរថយន្ត។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោ៣ និង៣០នាទីរសៀល ថ្ងៃទី១៨ ខែតុលា ឆ្នាំ២០១៧ ស្ថិតាមបណ្តោយផ្លូវឧកញ៉ាម៉ុងឬទ្ធី ភូមកោះអណ្កែត សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។

ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្តមួយគ្រឿងម៉ាកឡិចស៊ីស៥៧០មិនចាំស្លាកលេខកំពុងបើកទិសដៅពីកើតទៅលិចលុះមកដល់កន្លែងកើតហេតុស្រាប់តែឈប់ខណៈនោះរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ2AM 1210ដឹកកញ្ចក់បើកស្របទិសគ្នាក៏ស្រាប់តែអកហ្សើជាន់ហ្រាង្គឈប់ជាបន្ទាន់ខណៈនោះក៌មានរថយន្តបើកពីក្រោយមួយគ្រឿងទៀតម៉ាកហ៊ីយ៉ាន់ដាយពណ៌ខៀវ ពាក់ស្លាកលេខ ភ្នំពេញ2AE 6970 ដឹកកម្ទេចកំណាត់ជាន់ហ្រាង្គមិនទាន់ជ្រុលទៅបុករថយន្តដឹកកញ្ចក់ បណ្តាលឲ្យកូតកញ្ចក់ដែលនៅលើរថយន្តនោះបន្តិចបន្តួចចំណែករថយន្តដែលជ្រុលទៅគេនោះកំពិតកំណាត់មុខផងដែរ។

ក្រោយពេលកើតហេតុដោយរថយន្តឡិចស៊ីសនោះមិនខូចខាតអីក៏បន្តដំណើរទៅបាត់តែម្តង ចំណែកអ្នកបើករថយន្តទាំងពីរគ្រឿងខាងលើនៅជជែកគ្នាប្រើពេលយ៉ាងយូរ ក្រោយមកទើបបញ្ចប់ត្រឹមលុយ៧០ដុល្លារដោយភាគីរថយន្តហ៊ីយ៉ាន់ដាយដឹកកម្ទេចកំណាត់ចេញជូនរថយន្តហ៊ីយ៉ាន់ដាយដឹកកញ្ចក់៕