Post News Media ព័ត៌មានជាតិ លិចស៊ិស៤៧០បើក...

លិចស៊ិស៤៧០បើកបុកកម្មការិនីម្នាក់ស្លាប់

កំពង់ឆ្នាំង: កម្មការិនីម្នាក់បានស្លាប់មុនពេលបញ្ជូនដល់មន្ទីរពេទ្យ បន្ទាប់ពីត្រូវរថយន្តទំនើប១គ្រឿងបើកបុកកម្មការិនីម្នាក់ ក្នុងពេលដែលជិះម៉ូតូនៅលើចិញ្ចើមផ្លូវ។

ហេតុការណ៍នេះបានកើតឡើងនៅវេលាម៉ោង៦និង០០នាទីព្រឹកថ្ងៃទី០៥ ខែមិថុនា ឆ្នាំ២០១៦ លើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ៤២និង៤៣ ចំណុចខាងមុខរោងចក្រ “រ៉ាយស៊ិនអោដ” ស្ថិតក្នុងភូមិជន្លាត់ដៃ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង  ។

ប្រភពពីសមត្ថកិច្ចដែលបានចុះដល់កន្លែងកើតហេតុបានប្រាប់ឲ្យដឹងថា ជនរងគ្រោះឈ្មោះ ញែម អ័រ ភេទស្រី អាយុ៣៧ឆ្នាំ រស់នៅក្នុងភូមិវាលស្បៅ ឃុំអំពិលទឹក ស្រុកកំពង់ត្រឡាច មានមុខរបរជាកម្មករោងចក្រ ជិះម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខ កំពង់ស្ពឺ 1B-2730 ។ ចំណែកឯរថយន្តបង្ករម៉ាក លុចស៊ីស៤៧០ ពណ៌ស ពាក់ស្លាកលេខភ្នំពេញ 2Q-5969 បើកបរក្នុងទិសដៅស្របទិសគ្នាពីជើងទៅត្បូង ។

ក្រោយពេលកើតហេតុអ្នកបើកបរថយន្តលិចស៊ិសបានគេចខ្លួនបាត់ ចំណែកមធ្យោបាយបង្ក ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកសាមគ្គីមានជ័យ រង់ម្ចាស់ចូលខ្លួនមកដោះស្រាយ៕

photo_2016-06-06_17-41-07

photo_2016-06-06_17-41-09

photo_2016-06-06_17-41-13

Loading...