បាត់ដំបងៈ ករណីគ្រោះថ្នាក់ចរាចរណ៍មួយបានកើតឡើងរវាងម៉ូតូនិងរម៉កកង់បី បណ្តាលឲ្យម្នាក់ស្លាប់ និងម្នាក់ទៀតរងរបួសធ្ងន់។
ហេតុការណ៍កើតឡើងនៅវេលាម៉ោង១០ និង៤០នាទីយប់ ថ្ងៃទី៦ ខែវិច្ឆិកា ឆ្នាំ២០១៧ ស្ថិតនៅចំណុចភូមិអូរតាគាំ២ សង្កាត់ទួលតាឯក ក្រុងបាត់ដំបង ខេត្តបាត់ដំបង។
ប្រភពព័ត៌មានបានបន្តថា នៅមុនពេលកើតហេតុ គេឃើញមានម៉ូតូ១គ្រឿង ម៉ាក ហុងដាឌ្រីម ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ សៀមរាប1E-6045 អ្នកបើកបរមិនស្គាល់អត្តសញ្ញាណ(រងរបួសធ្ងន់) លុះមកដល់ចំណុចកើតហេតុ បានបុកជាមួយរម៉កកង់បីក្នុងទិសដៅបញ្ច្រាសគ្នា ជិះដោយឈ្មោះ ទឹម តារាឬទ្ធិ អាយុ៤៣ឆ្នាំ ស្នាក់នៅក្រុមទី១៨ ភូមិស្លាកែត សង្កាត់ស្លាកែត ក្រុងបាត់ដំបង បណ្តាលឲ្យស្លាប់នៅនឹងកន្លែងតែម្តង។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែងនិងនាំយករម៉កកង់បី និងម៉ូតូ ត្រូវបានកម្លាំងសមត្ថកិច្ចចរាចរណ៍ផ្លូវគោក យកទៅរក្សាទុកចាត់ការតាមជំនាញ៕
មតិយោបល់