ក្រុមកាំភ្លើងធំ Arsenal និងហង្សក្រហម Liverpool ចាប់ផ្តើមផ្ទុះសង្រ្គាមក្រៅទីលានម្តងវិញហើយ ក្នុងការប្រជែងគ្នាដណ្តើមយក អ្នកចាំទីកូស្តារីកា Keylor Navas ពីក្រុមស្តេចស Real Madrid ។

មិនត្រឹមតែធ្វើសង្រ្គាម ក្នុងសមរភូមិវាលស្មៅឡើយ ក៍ប៉ុន្តែក្រុម Arsenal និង Liverpool បានមកបន្តសង្រ្គាម​ដណ្តើមកីឡាករគ្នាទៀត។ ជាក់ស្តែងណាស់ បើតាមការចុះផ្សាយ របស់ Diario Gol បានឲ្យដឹងថា អ្នកចាំទីរបស់ក្រុម Real Madrid កីឡាករ Keylor Navas កំពុងតែក្លាយជាចំណុចចាប់ផ្តើមនៃសង្រ្គាមរវាង Arsenal និង Liverpool ។ ប្រភពខាងលើនេះដដែល បានឲ្យដឹងថា Arsenal និង Liverpool កំពុងតែរៀបចំ​សំណើរយ៉ាងឆាប់រហ័សមួយ ដើម្បីនាំយក Navas ពីក្រុម Real Madrid នៅក្នុងពេលឆាប់ៗនេះ។

យ៉ាងណាវិញ ការដណ្តើមគ្នាយក Navas នេះ ប្រហែលជាមិនអាចទៅរួចឡើយ ប្រសិនបើ Real Madrid មិនអាចនាំយកអ្នកចាំទីថ្មីម្នាក់ទៀតទេនោះ ជាពិសេសនោះគឺ Devid De Gea ព្រោះថា បើលក់ Navas ក្រុម Real Madrid នៅសល់តែ Kiko Casilla និង Enzo Zidane ប៉ុណ្ណោះ​ ខណៈ Enzo Zidane មិនទាន់មានសមត្ថភាពក្នុងទីលានគ្រប់គ្រាន់ៅឡើយទេ។ ក៍ប៉ុន្តែ Arsenal និង Liverpool កំពុងតែរង់ចាំមើលរដូវរំហើយខាងមុខនេះ បើ Real Madrid អាចរកបានអ្នកចាំទីថ្មីម្នាក់នោះ ក្រុមអង់គ្លេសទាំង២ នេះច្បាស់ណាស់ នឹងត្រូវប្រជែងគ្នា ឲ្យអស់លទ្ធភាព ដើម្បីនាំយក Keylor Navas ឲ្យបាន។

គួរបញ្ជាក់ផងដែរថា Keylor Navas ចាប់ផ្តើមមានប្រជាប្រិយភាពខ្លាំងក្នុងអំឡុងព្រឹត្តិការណ៍ World Cup ២០១៤ ដោយជួយក្រុមកូស្តារីកា ឲ្យឡើងដល់វគ្គ៨ក្រុមចុងក្រោយ និងជួយក្រុម Real Madrid ឲ្យឈ្នះពាន Champion League ២ឆ្នាំជាប់ៗគ្នា និង Laliga រដូវកាលមុនផងដែរ។