តាកែវៈ បុរសម្នាក់ បានស្លាប់បាត់បង់ជីវិត ខណៈដែលកំពុងឆក់ត្រីស្រាប់តែឆក់ខ្លួនឯងស្លាប់យ៉ាងអាណោចអាធ័ម។
ហេតុការណ៍នេះកើតឡើងកាលពីវេលាម៉ោង៥និង៤៥នាទីល្ងាច ថ្ងៃទី៨ ខែវិចិ្ឆកា ឆ្នាំ២០១៧ នៅចំណុចកូនសំរោងខាងក្រោម ភូមិនាសារគិរី ឃុំសោម ស្រុកគិរីវង់ ខេត្តតាកែវ។
សពជនរងគ្រោះមានឈ្មោះ ទូច សុខភេន ភេទប្រុស អាយុ៣២ឆ្នាំ ស្នាក់នៅភូមិដើមអង្កោល ឃុំសោម ស្រុកគិរីវង់។
ក្រោយពេលកើតហេតុ កម្លាំងជំនាញបានចុះពិនិត្យសាកសពឃើញថា ពិតជាបានស្លាប់ដោយសារការឆក់ ពិតប្រាកដមែន និងបានប្រគល់សាកសពជូនក្រុមគ្រសារដើម្បីធ្វើបុណ្យតាមប្រពៃណី៕
មតិយោបល់