​ភ្នំពេញ: បុរសម្នាក់បានរងរបួសបាក់ជើងម្ចាង ត្រូវបានបញ្ជូនទៅមន្ទីរពេទ្យភ្លាមៗ ខណ:កំពុងជិះម៉ូតូហើយត្រូវរថយន្តឡិចស៊ីសបើកឆ្លងផ្លូវ ជ្រុលបុកពេញទំហឹង កាលពីវេលាម៉ោង១ និង៣០នាទី រសៀល ថ្ងៃទី១៤ ខែវិច្ឆិកា ឆ្នាំ២០១៧ នៅចំណុចមុខបុរីធូលន តាមបណ្តោយផ្លូវជាតិលេខ៣ សង្កាត់ ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញបុរសម្នាក់ជិះម៉ូតូសង់កូរ៉េ ពណ៌ក្រហម ពាក់ស្លាកលេខកំពង់ធំ1E 4082 ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជើង ខណ:មកដល់ចំណុចកើតហេតុ ស្រាប់តែមានរថយន្តម៉ាកឡិចស៊ីស ពណ៌ខ្មៅ ពាក់ស្លាកលេខ ភ្នំពេញ2L 2078 ធ្វើដំណើរបញ្ច្រាសទិសគ្នាហើយបានបត់ឆ្លងផ្លូវបំណងចូលក្នុងបុរីធូលន ក៏ជ្រុលបុកម៉ូតូពេញទំហឹងបណ្តាលឲ្យបុរសអ្នកជិះម៉ូតូរួមជាមួយប្រពន្ធនិងកូនបានរងរបួសបាក់ជើងខាងឆ្វេង ត្រូវបានរថយន្តសង្គ្រោះដឹកទៅមន្ទីរពេទ្យភ្លាម។

ក្រោយពេលកើតហេតុសមត្ថកិច្ចបានចុះទៅដល់ចំណុចកើតហេតុធ្វើការវាស់វែងយកទៅរក្សាទុករង់ចាំដោះស្រាយពេលក្រោយ៕