តាកែវៈ សមត្ថកិច្ចបានឃាត់ខ្លួនយុវជនម្នាក់ ពាក់ព័ន្ធនឹងករណីចោរកម្ម បន្ទាប់ពីធ្វើសកម្មភាពលួចគាស់ហឹបយកគ្រឿងអលង្ការ និងប្រាក់មួយចំនួនបានសម្រេច។
ហេតុការណ៍នេះ បានកើតឡើង កាលពីវេលាម៉ោង១១ និង១០នាទី ថ្ងៃទី១៣ ខែវិច្ឆិកា ឆ្នាំ២០១៧ ស្ថិតក្នុងភូមិខ្វាវ ស្រុកទ្រាំង ខេត្តតាកែវ។
ជនសង្ស័យឈ្មោះ ធាន សំណាង ភេទប្រុស អាយុ១៧ឆ្នាំ និងជនរងគ្រោះឈ្មោះ សាន់ ហ៊ីង ភេទស្រី អាយុ៥០ឆ្នាំ ទាំង២នាក់ស្នាក់នៅភូមិឃុំកើតហេតុជាមួយគ្នា។
មុនពេលកើតហេតុ ជនសង្ស័យបានឡើងតាមដំបូលចង្រ្កានបាយរបស់ជនរងគ្រោះ រួចក៏ចូលតាមបង្អួច ហើយយកន្រ្តៃមកគាស់ហឹបយកបានខ្សែក នឹងខ្សែដៃមាសចំនួន៤ជី និងប្រាក់៥០ម៉ឺនរៀល។
ក្រោយកើតហេតុ កាលពីវេលាម៉ោង ៧និង៥៥នាទីយប់ថ្ងៃខែឆ្នាំដដែលសមត្ថកិច្ចជំនាញឃាត់ខ្លួនជនសង្ស័យបាន រួចប្រគល់វត្ថុតាងឲ្យមកជនរងគ្រោះវិញ។
ចំណែកឯជនសង្ស័យ កម្លាំងជំនាញកំពុងកសាងសំណុំរឿង ដើម្បីដោះស្រាយតាមផ្លូវច្បាប់៕
មតិយោបល់