​រតនគិរីៈ លោកអធិការស្រុកអណ្តូងមាស បានប្រាប់ Post News ថា មានករណីគ្រោះថ្នាក់ចរាចរណ៍ រវាងរថយន្តនិងម៉ូតូ បញ្ច្រាសទិសគ្នា បណ្តាលឲ្យស្លាប់ម្នាក់និងរបួសធ្ងន់ម្នាក់។

ហេតុការណ៍កើតឡើងនៅវេលាម៉ោង១២ និង២០នាទី ថ្ងៃត្រង់ ទី១៤ ខែវិច្ឆិកា ឆ្នាំ២០១៧ នៅចំណុចផ្លូវក្រាលក្រួសក្រហម ភូមិពែង ឃុំញ៉ាង ស្រុកអណ្តូងមាស ខេត្តរតនគិរី។

ជនរងគ្រោះទាំង២នាក់ ទី១មានឈ្មោះ សល់ វ៉ាន់ ភេទប្រុស អាយុ៣៥ឆ្នាំ ជនជាតិច្រាយ មានទីលំនៅភូមិកាជូត ឃុំញ៉ាង ស្រុកអណ្តូងមាស ខេត្តរតនគិរី(ស្លាប់) និងទី២ឈ្មោះ រម៉ាស់ យូក ភេទប្រុស អាយុ៣៥ឆ្នាំ ជនជាតិច្រាយ មានទីលំនៅភូមិពែង ឃុំញ៉ាង ស្រុកអណ្តូងមាស ខេត្តរតនគិរី រងរបួសធ្ងន់(បាក់ជើង និងដៃ)។
ជនសង្ស័យត្រូវបានបើករត់គេចខ្លួនបាត់។

បច្ចុប្បន្នកម្លាំងកម្លាំងអធិការ និងកម្លាំងប៉ុស្តិ៍បានកំពុងអនុវត្តតាមនិតិវិធី និងចាត់កម្លាំងតាមរករថយន្តដែលរត់គេចខ្លួន៕