កណ្តាល: គួរឲ្យអនិច្ចាកុមារីម្នាក់ គិតខ្លី បានសម្រេចចិត្តចងកសម្លាប់ខ្លួនឯង ដោយបន្សល់ទុកបណ្តាំ(ម៉ែខ្ញុំទៅហើយ) ទុកជូនម្តាយ ដែលស្តាប់ទៅគួរឲ្យក្តុកក្តួលពេញដួងចិត្ត។
ហេតុការណ៍គួរឲ្យអាណិតនេះបានកើតឡើងកាលពីវេលាម៉ោង២ និង៣០នាទីរសៀល ថ្ងៃទី១៤ ខែវិច្ឆិកា ឆ្នាំ២០១៧ ចំណុចនៅផ្ទះជនរងគ្រោះភូមិអាចម៍កុក សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។
នគរបាលជំនាញបានប្រាប់ឲ្យដឹងថា ជនរងគ្រោះឈ្មោះ ធី សុខរត្ន័មុនី ភេទស្រី អាយុ១០ឆ្នាំ មុខរបរ សិស្ស បច្ចុប្បន្នរស់នៅភូមិអាចម៍កុក សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។
តាមការបំភ្លឺម្តាយជនរងគ្រោះឈ្មោះ អ៊ិន សោភា អាយុ៤៦ឆ្នាំ មុខរបរ កម្មការិនី ស្នាក់នៅភូមិខាងលើបានឲ្យដឹងថា ជនរងគ្រោះបានចេញពីរៀនម៉ោង១១ បានហូបបាយធម្មតាជាមួយម្តាយ វេលាម៉ោង១២ ម្តាយបានទៅផ្សារ លុះវេលាម៉ោង១ ម្តាយបានត្រលប់មកពីផ្សារវិញ ក៏បានឃើញជនរងគ្រោះចងកនិងអាវក្រណាត់ពណ៌ក្រហម ដៃវែង ជាប់និងធ្នឹមផ្ទះក្នុងបន្ទប់ ហើយក៏បាននាំគ្នាជួយលើកជនរងគ្រោះ ស្រាយក្រណាត់អាវចេញ ប៉ុន្តែជនរងគ្រោះបានស្លាប់បាត់ទៅហើយ ដោយបានសរសេរពាក្យបណ្តាំ (ម៉ែខ្ញុំទៅហើយ)។
បន្ទាប់មកក៏បានរាយការណ៍ជូនសមត្តកិច្ចដើម្បីចុះធើ្វការពិនិត្យ។ការសន្និដ្ឋាន តាមការពិនិត្យរបស់ផ្នែកពិនិត្យវិភាគកន្លែងកើតហេតុក្រុងតាខ្មៅ ព្រមទាំងអាជ្ញាធរភូមិ បានសន្និដ្ឋានថាជនរងគ្រោះពិតជាបានស្លាប់ដោយសារធ្វើអត្តឃាត(ចងក)សម្លាប់ខ្លួនពិតប្រាកដមែន ដោយមិនបានពាក់ព័ន្ធបទល្មើសព្រហ្មទណ្ឌឡើយ ។
ក្រោយការពិនិត្យចប់សព្វគ្រប់ សាកសពត្រូវបានប្រគល់ឲ្យម្តាយជនរងគ្រោះយកទៅធ្វើបុណ្យតាមប្រពៃណី៕
មតិយោបល់