ប៉ៃលិន: សមត្ថកិច្ចបានឃាត់ខ្លួនបុរសម្នាក់ បន្ទាប់ពីធ្វើសកម្មភាពរំលោភសេពសន្ថវ: ទៅលើស្រ្តីមិនគ្រប់សតិម្នាក់ បណ្តាលឲ្យរូបនាងមានផ្ទៃពោះចំនួន៤ខែ។
ជនរងគ្រោះមាន ឈ្មោះ ទ ហ ភេទស្រី អាយុ១៦ឆ្នាំ សតិមិនគ្រប់ និងមានផ្ទៃពោះចំនួន៤ខែ រីឯជនសង្ស័យឈ្មោះ លីម យ៉េង ភេទប្រុស អាយុ១៨ឆ្នាំ ទាំងពីរនាក់ស្នាក់នៅភូមិអូរ៧៥ ឃុំអូរអណ្តូង ស្រុកសាលាក្រៅ ខេត្តប៉ៃលិន។
បន្ទាប់ពីទទួលបានពាក្យបណ្តឹងពីបងប្អូនសាច់ញាតិជនរងគ្រោះ កម្លាំងជំនាញ បានចុះធ្វើការស្រាវជ្រាវដល់ផ្ទះជនសង្ស័យ ព្រមទាំងឃាត់ខ្លួនបាន កាលពីថ្ងៃទី១៧ ខែវិច្ឆិកា ឆ្នាំ២០១៧ ដោយនៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានរំលោភសេពសន្ថវ: ទៅលើជនរងគ្រោះប្រាកដមែន។
បច្ចុប្បន្ន កម្លាំងជំនាញនៃអធិការដ្ឋាននគរបាលកំពុងកសាងសំណុំរឿង ដើម្បីចាត់ការបន្តតាមនិតិវិធីច្បាប់៕
មតិយោបល់