ភ្នំពេញៈ កម្លាំងនគរបាលប៉ុស្តិ៍ទំនប់ទឹក(ផ្សារដើមថ្កូវ) ល្បាតជាមួយ នគរបាលខណ្ឌចំការមន បានឃាត់ខ្លួនជនសង្ស័យ០២នាក់ ពាក់ព័ន្ធករណីជួញដូរនិងប្រើប្រាស់ខុសច្បាប់នូវសារធាតុញៀន កាលពីថ្ងៃទី០៨ ខែមិថុនា ឆ្នាំ២០១៦ ម៉ោង១៦និង៣០នាទី នៅចំនុចផ្លូវលេខ101 សង្កាត់ផ្សារដើមថ្កូវ ខណ្ឌចំការមន។
ប្រភពឲ្យដឹងថា ជនសង្ស័យជិះម៉ូតូ ០១គ្រឿង សេ១២៥ ពណ៌ខ្មៅ សេរី២០០៨ ផ្លាកលេខភ្នំពេញ1Y2237 លេខតួនិងម៉ាស៊ីន8270090 ឆែកឆេរឃើញក្រាមសថ្លា០១កញ្ចប់នៅក្នុងកាបូប ឈ្មោះជាដារ៉ា អ្នកបើកម៉ូតូ ដោយមុខសញ្ញានេះ កម្លាំងរាយការណ៍ថា អ្នកលក់ និងកម្លាំងសមត្ថកិច្ចស្គាល់បន្ទប់ជួលក៏នាំមកឆែកឆេរ បន្ទប់ជួលលេខ២២ ផ្ទះគ្មានលេខ ផ្លូវ៤៩២ ក្រុម១២ ភូមិ២ សង្កាត់ផ្សារដើមថ្កូវ។
ប្រភពបន្តថា ជនសង្ស័យទាំង២នាក់ ទី១-ឈ្មោះ ជា ដារ៉ា ភេទប្រុស អាយុ៣៤ឆ្នាំ មុខរបរមិនពិតប្រាកដ ស្នាក់នៅបន្ទប់ជួលខាងលើ ដកហូតក្រាមសថ្លា ១២កញ្ចប់តូច និងជញ្ជីងថ្លឹងមួយ។ ទី២-ម្នាក់ទៀតឈ្មោះ ជា ហាគី ភេទ ប្រុស អាយុ២១ឆ្នាំ មុខរបរមិនពិតប្រាកដ ត្រូវជាប្អូន ស្នាក់នៅផ្ទះជាមួយគ្នា។
ក្រោយការបង្ក្រាប ជនសង្ស័យខាងលើ ត្រូវបាននាំយកមកអធិការដ្ឋាននគរបាលខណ្ឌ ដើម្បីកសាងសំណុំរឿងតាមនីតិវិធី៕
មតិយោបល់