ភ្នំពេញ: ជនសង្ស័យជាជនជាតិចិនម្នាក់ ឈ្មោះ Tsal Janko ភេទប្រុស អាយុជាង៤០ឆ្នាំ ត្រូវបានកម្លាំងការិយាល័យប្រឆាំងគ្រឿងញៀន នៃស្នងការរដ្ឋាននគរបាលរាជធានីភ្នំពេញ បង្ក្រាបនិងឃាត់ខ្លួនបាន ដកហូតថ្នាំញៀនជាច្រើនកញ្ចប់ កាលពីរសៀលថ្ងៃទី២៩ ខែធ្នូ ឆ្នាំ២០១៧ នៅចំណុចផ្ទះជួលលេខ២០ ផ្លូវលេខ១៣៦ ភូមិ១ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។
លទ្ធផលសមត្ថកិច្ចដកហូតបាន ថ្នាំគ្រាប់ពណ៌ក្រហម ចំនួន ៦កញ្ចប់ ,ថ្នាំញៀនគ្រាប់ពណ៌ទឹកសមុទ្រ ចំនួន ២០ស្បោងធំនិង៣ស្បោងតូច , ថ្នាំញៀនពណ៌សថ្លា ៦កញ្ចប់ ក្នុងនោះមាន៤កញ្ចប់ធំ និង ២កញ្ចប់តូច ,ជញ្ជីងថ្លឹងគ្រឿងញៀន ចំនួន ១, ថ្នាំគ្រាប់ពណ៌ផ្កាឈូក Wy ចំនួន ៧កញ្ចប់, ស្បោងផ្លាស្ទិកសម្រាប់ច្រកគ្រឿងញៀនមួយ រួមនឹងលិខិតឆ្លងដែន ១ច្បាប់ ៕
មតិយោបល់