កំពង់ស្ពឺៈ មានករណីគ្រោះថ្នាក់ចរាចរណ៍មួយ រវាងម៉ូតូ២គ្រឿងបានបុកគ្នាពេញទំហឹង កាលពីវេលាម៉ោង៤ល្ងាច ថ្ងៃទី៨ ខែមករា ឆ្នាំ២០១៨ ស្ថិតនៅផ្លូវលេខ១៤៣ ភូមិបិល ឃុំស្គុះ ស្រុកសំរោងទង ខេត្តកំពង់ស្ពឺ បណ្តាលឲ្យមនុស្សម្នាក់ស្លាប់ និងម្នាក់ទៀតរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។
ដំបូងឡើយគេឃើញ ម៉ូតូម៉ាកហុងដាសេ១២៥ ស៊េរី២០១៣ ពណ៌ខៀវ ពាក់ស្លាកលេខ ភ្នំពេញ 1BQ 4808 បើកបរដោយបុរសម្នាក់ពីត្បូងទៅជើង លុះបើកមកដល់ចំណុចខាងលើក៏បានបុកជាមួយម៉ូតូមួយគ្រឿងទៀតម៉ាកហុងដាសេ ១២៥ ស៊េរីឆ្នាំ២០១១ ពណ៌ខ្មៅ ពាក់ស្លាកលេខ បាត់ដំបង 1K -7031ដែលកំពុងបើកបរដោយបុរសម្នាក់ បញ្ច្រាសទិសគ្នាពេញទំហឹង បណ្ដាលឲ្យស្លាប់និងរបួសទាំង២នាក់តែម្តង៕
មតិយោបល់