ព្រះសីហនុ: យោងតាមផេកផ្សព្វផ្សាយអប់រំ ក្រសួងមហាផ្ទៃបានឲ្យដឹងថា ខ្យល់កន្ត្រាក់បានបោកពន្លិចទូកចំនួន ៣គ្រឿង ជាប្រភេទទូកដឹកភ្ញៀវទេសចរណ៍ និងទូកនេសាទ ដែលឈប់ចតបោះយុថ្កាទុក នៅរសៀលថ្ងៃទី០២ ខែសីហា ឆ្នាំ២០២០ នេះ នៅភូមិកោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ ប៉ុន្តែពុំមានមនុស្សរងគ្រោះឡេីយ។
ទូកចំនួន៣គ្រឿងមាន ទូកទី១ មានម្ចាស់ឈ្មោះ យ៉ង់ ចាន់ធី ភេទ ប្រុស អាយុ ៣២ ឆ្នាំ ប្រភេទទូកកន្ទុយវែងដឹកភ្ញៀវទេសចរណ៏ ។ ទូកទី២ មានម្ចាស់ឈ្មោះ ប្រាជ ផាត ភេទ ប្រុស អាយុ ៥២ឆ្នាំ មានមុខរបរ ដឹកភ្ញៀវកម្សាន្តតាមកោះ ប្រភេទទូកកន្ទុយវែង។ ទូកទី៣ ម្ចាស់ទូកឈ្មោះ ជិម វុត្ថា ភេទ ប្រុស អាយុ ៣១ឆ្នាំ មានមុខរបរនេសាទ ប្រភេទទូកនេសាទ។
បច្ចុប្បន្នទូកទាំងអស់ត្រូវបានបងប្អូនប្រជាពលរដ្ឋ សហការជាមួយ កម្លាំងនគរបាលប៉ុស្តិ៍នាំគ្នាអូសឡេីងគោកវិញដើម្បីជួសជុល៕
មតិយោបល់