Post News Media ព័ត៌មានជាតិ ឡិចស៊ីស ស្លាក...

ឡិចស៊ីស ស្លាកលេខ ភ្នំពេញ2V-9540 បុករម៉កដឹកបន្លែ របួសធ្ងន់ម្នាក់!

ភ្នំពេញ: បុរសម្នាក់បើករថយន្តលក្ខណ:គ្រួសារ ក្នុងល្បឿនលឿន ខណ:មកដល់ផ្លូវបំបែកជាបួន បានជ្រុលទៅបុករម៉កដឹកបន្លែ បណ្ដាលឲ្យបុរសម្នាក់រងរបួសធ្ងន់ ហើយរថយន្តព្យាយាមបើករត់រហូតដល់បុរីប៉េងហួតទើបសមត្ថកិច្ចឃាត់បាន។

​ ហេតុការណ៍នេះបានកើតឡើង​ នៅវេលាម៉ោង​១​ រំលង​អធ្រាត្រ​ឈាន​ចូល​ថ្ងៃទី​១៦​ ខែ​មករា​ ឆ្នាំ​២០១៨​ ផ្លូវ​៣៨៨​ កែងនិង​ផ្លូវ​ ១៩៩​ សង្កាត់​ទួល​ស្វាយ​ព្រៃ២​ ខណ្ឌចម្ការមន រាជធានីភ្នំពេញ។ ​

តាម​ប្រភព័ត៌មានពីកន្លែងកើតហេតុ​ បានឲ្យដឹងថា​ មុនពេលកើតហេតុ​ គេបានឃើញ​ បុរសម្នាក់បើករថយន្តឡិចស៊ីស ៣៣០ ពណ៌ស ពាក់ស្លាកលេខ ភ្នំពេញ 2V-9540 បើកតាមបណ្ដោយផ្លូវ១៩៩ ពីកើតទៅលិច បោះពួយយ៉ាងលឿនខ្វះការប្រុងប្រយត្ន័ជ្រុលទៅបុករម៉កដឹកបន្លែមិនមានស្លាកលេខ បើកបុរសម្នាក់បើកតាមបណ្ដោយផ្លូវ៣៨៨ ពីជើងទៅត្បូងដោយដឹកបន្លែចេញពីផ្សារដើមគរ គោលបំណងយកទៅឲ្យម៉ូយនៅផ្សារតាខ្មៅ ខណ:មកដល់ចំណុចកើតហេតុខាងលើបានជ្រុលទៅទៅបុកពេញ​ទំហឹង​ បណ្តាលឲ្យ​​បន្លែ​ដែល​នៅ​ក្នុង​រម៉ក​ខ្ទាត​ចេញ​ពាសពេញផ្លូវ​ និង​ធ្វើឲ្យ​អ្នក​បើក​ម៉ូតូ​រងរបួស​បែកក្បាល​សន្លប់​ស្តូក​ស្តឹង​ត្រូវ​បាន​បានរថយន្ត​សង្គ្រោះ​បានមកដឹក​យកទៅ​សង្គ្រោះ​នៅ​ គ្លិនិកឯកជន​ហុង​ហាក់​ភ្លាមៗ។

ភ្លាមៗនោះដែរ​ រថយន្តបង្កមិន​បាន​ឈប់​ដោះស្រាយ​នៅនឹងកន្លែង​កើតហេតុ​នោះទេ​ គឺ​បាន​ព្យាយាម​បើក​រថយន្ត​រត់គេ​ចទាំង​សភាព​ខ្ទេចផ្នែកខាងមុខ​ រហូត​មកដល់​មុខបុរី​ប៉េងហួត​ផ្លូវ​២១៧​ សង្កាត់​ស្ទឹងមានជ័យ​៣​ ខណ្ឌមានជ័យ​ ទើប​សមត្ថកិច្ច​ដេញ​ឃាត់​រថយន្ត​បាន​ហើយ​ពេលនោះ​ អ្នក​បើក​បរ​បង្ករ​ បាននាំប្រ​ពន្ធនិង​កូន​ ឡើង​ជិះ​ម៉ូតូ​ឌុប​ បន្ត​ដំណើរ​ទៅ​មុខ​ទៀត​ ។

ក្រោយ​ពេលកើតហេតុ​ សមត្ថកិច្ចជំនាញ​ បានចុះ​ទៅ​ដល់​កន្លែង​កើតហេតុ​ រួចហើយ​បាន​ធ្វើការ​វាស់វែង​យកម៉ូតូ​រម៉ក​ព្រម​ទាំង​រថយន្ត​បង្កទៅ​រក្សា​ទុកនៅ​អធិការដ្ឋានខណ្ឌ​ចម្ការមន​ ដើម្បី​រង់ចាំ​ធ្វើ​ការ​ដោះស្រាយគ្នាបន្តទៀត៕