Post News Media ព័ត៌មានជាតិ អគ្គិភ័យលេបត្...

អគ្គិភ័យលេបត្របាក់ផ្ទះ១ខ្នង ​នៅបាត់ដំបង!

បាត់ដំបង: មានករណីអគ្គិភ័យមួយបង្កការឆាបឆេះផ្ទះប្រជាពលរដ្ឋចំនួន​១ខ្នង បណ្តាលឲ្យខូចខាតផ្ទះ និងសម្ភារ:ជាច្រើន ដោយពុំដឹងពីមូលហេតុ នៃការឆេះ​ កាលពីវេលាម៉ោង១១យប់ ថ្ងៃព្រហស្បតិ៍ ២កើត ខែមាឃ ឆ្នាំរកា នព្វសក័ព.ស២៥៦១ ត្រូវនឹងថ្ងៃទី១៨ ខែមករា ឆ្នាំ២០១៨។

ម្ចាស់ផ្ទះរងគ្រោះមានឈ្មោះ យ៉ា​ យាន់ ភេទប្រុស អាយុ៤៦ឆ្នាំ ស្នាក់នៅត្រង់ចំណុចស្រះចក ក្រុម១៦ ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង និងប្រពន្ធឈ្មោះ មឿន​ វន អាយុ៤៤ឆ្នាំ មានកូន៤នាក់ ស្រី​៣នាក់។
ចំណែកការ​​ខូចខាត រួមមាន ផ្ទះ៥ម៉ែត្រគុណ៧ម៉ែត្រប្រក់សង្កសីជញ្ជំងឈើ ម៉ូតូម៉ាកវេវ​១គ្រឿង ម៉ាស៊ីនភ្លើង​១គ្រឿង
កង់ជិះ​១គ្រឿង ធុងបាស់​២គ្រប់ ពាងទឹកធំចំនួន៤ សៀវភៅគ្រួសារអត្តសញ្ញាណប័ណ្ណសំបុត្រកំណើត
និងចានឆ្នាំងសំលៀកបំពាក់។

ក្រោយកើតហេតុ សមត្ថកិច្ចបានចុះមកធ្វើកំណត់ហេតុដល់ផ្ទះកើតហេតុ​ និងបន្តស្រាវជ្រាវ​រកមូលហេតុ នៃការឆាបឆេះពីអគ្កិភ័យបន្ថែមទៀត៕