Post News Media ព័ត៌មានជាតិ កម្មករ​រោងចក្...

កម្មករ​រោងចក្រ​កាត់ដេរ KKN3 ដួល​សន្លប់​ជា​ច្រើន​នាក់ នៅកោះកុង

កោះកុង: ​មានករណី​កម្មករ​រោងចក្រ​កាត់ដេរ KKN3 នៅ​​តំបន់​សេដ្ឋកិច្ច ក្នុងខេត្តកោះកុង បានដួល​សន្លប់​ជា​ច្រើន​នាក់ កាលពីថ្ងៃទី២៣ ខែមករា ឆ្នាំ២០១៨។

តាម​សមត្ថកិច្ច បានប្រាប់ឲ្យដឹងថា ​​កម្មករ​ក្នុងរោងរោងចក្រមាន​អាកា​រ:​ក្អួតចង្អោរ និង​ដួល​សន្លប់​ជាបន្តបន្ទាប់ ​ដែលតួលេខមាន​កើនឡើង​ប្រមាណ​ជា៦៥​នាក់ ហើយ​ភាគច្រើន​ជានា​រី បន្ទាប់ពី​ធំក្លិន​ដូច​ជា​ប្រេងម៉ាស៊ីន​ចាស់ ​ដែល​គេ​បង្ហូរ​ចោល។

ពាក់ព័ន្ធនឹងបញ្ហានេះ ប្រធាន​មន្ទីរ​សុខាភិបាល​ខេត្តលោក ទៅ ម៉ឹង បានបញ្ជាក់​ថា អាកា​រ:​ដួល​សន្លប់​នេះ គឺដោយសារ​តែ​ការ​ពុល​ក្លិន​អាក្រក់​ទើប​បណ្ដាលឲ្យមានការ​ក្អួតចង្អោរ អស់កម្លាំង និង​ដួល​សន្លប់​តែ​ម្តង៕