ភ្នំពេញៈ កម្លាំងល្បាតប៉ុស្តិ៍នគរបាលរដ្ឋបាលទន្លេបាសាក់ នៃអធិការដ្ឋាននគរបាលខណ្ឌចំការមន បានចុះល្បាតតាមមូលដ្ឋាន ដើម្បីការពារសុវត្ថិភាពជូនប្រជាពលរដ្ឋ បានប្រទះឃើញជនសង្សយ័ក្មេងចាស់ប្រុសស្រី៥នាក់ដែលសម្ងំពពាក់ពពូនគ្នា ក្រោមចន្លោះស្ពាននាគភ្លោះ ជិតណាហ្គាវើល ដោយមានការសង្ស័យឃាត់សួរនាំឆែកឆេររកឃើញគ្រឿងញៀន ២៩កញ្ចប់ (២៦កញ្ចប់តូច ៣កញ្ចប់ធំ) ។
ការឃាត់ខ្លួនខាងលើនេះកាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី២៩ ខែមករា ឆ្នាំ២០១៨នេះ នៅចំណុចផ្លូវមាត់ទន្លេខាងក្រោម ចន្លោះស្ពាននាគភ្លោះ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
មន្ត្រីនគរបាលរដ្ឋបាលប៉ុស្តិ៍ទន្លេបាសាក់ បានអោយដឹងថា មុនពេលចុះបង្ក្រាបកម្លាំងនគរបាលរដ្ឋបាលប៉ុស្តិ៍ទន្លេបាសាក់បានចុះល្បាតតាមមូលដ្ឋាន ដើម្បីការពារសុវត្ថិភាពជូនប្រជាពលរដ្ឋ ស្រាប់តែប្រទះឃើញជនសង្សយ័ក្មេងចាស់ប្រុសស្រី៥នាក់ដែលសម្ងំពពាក់ពពូនគ្នា ក្រោមចន្លោះស្ពាននាគភ្លោះ ជិតណាហ្គាវើល ដោយមានការសង្ស័យក៏បានចុះទៅឃាត់ដើម្បីសាកសួរ រួចក៏ធ្វើការឆែកឆេរ រកឃើញគ្រឿងញៀន ប្រភេទម្សៅក្រាម ពណ៌សថ្លា (ម៉ាទឹកកក) ចំនួន ២៩កញ្ចប់ (ក្នុងនោះមាន ២៦កញ្ចប់តូច និង ៣កញ្ចប់ធំ) និងសម្ភារៈសម្រាប់ប្រើប្រាស់គ្រឿងញៀនជាច្រើនទៀត។ សមត្ថកិច្ចក៏បានដកហូតថ្នាំញៀន ៣កញ្ចប់តូចផងដែរ។
បច្ចុប្បន្នជនសង្ស័យក្មេងចាស់ប្រុសស្រីទាំង៥នាក់ រួមនិងវត្ថុតាងត្រូវបានសមត្ថកិច្ចបញ្ចូនទៅប៉ុស្តិ៍នគរបាលទន្លេបាសាក់ ដើម្បីកសាងសំណុំចាត់ការតាមនិតីវិធីច្បាប់៕
https://youtu.be/Jlbq9g_rYZc
មតិយោបល់