ភ្នំពេញៈ កាលពីវេលាម៉ោង ១០និង៣៥នាទីយប់ថ្ងៃទី២៦ ខែធ្នូ ឆ្នាំ២០១៩ មានករណីរថយន្តដឹកខ្សាច់បើកបុករថយន្តលុចស៊ីស570 ស្ថិតតាមបណ្ដោយផ្លូវបេតុង ភូមិព្រៃវែងលិច សង្កាត់ព្រៃវែង ខណ្ឌដង្កោ រាជធានីភ្នំពេញ

រថយន្តម៉ាក លុចស៊ីស570 ពណ៌ស ពាក់ស្លាកលេខ ភ្នំពេញ 2AK-5855។
រថយន្តបង្កបែនដឹកខ្សាច់ ពណ៌ស ពាក់ស្លាកលេខ ភ្នំពេញ 3B-7586។

ដំណើររឿង៖ មុនពេលកើតហេតុរថយន្តរងគ្រោះ ធ្វើដំណើរពីកើតទៅលិច លុះមកដល់ចំណុចខាងលើ ស្រាប់តែរថយន្តបង្កធ្វើដំណើរពីកើតទៅលិច(ស្របទិសគ្នា) យ៉ាងលឿនជ្រុលចង្កូតបុករថយន្តលុចស៊ីស ពេញទំហឹងបណ្ដាលឲ្យរងការខូចខាត ។

បញ្ជាក់៖ ក្នុងហេតុការណ៍នេះ មិនបង្កឲ្យមនុស្សរងរបួសទេ ហើយចុងក្រោយស្មើគ្នា ដោយម្ចាស់យករថយន្តទៅជួសជុលរៀងៗខ្លួន ៕