សៀមរាប: សមត្ថកិច្ចបានប្រាប់Post Newsថា មានករណីបុរសម្នាក់បោសស្រូវនៅខាងលើក្នុងកញ្ច្រែងញាក់ម៉ាស៊ីនស្រូវ មិនបានប្រយត្ន័ បណ្តាលឲ្យឆក់ខ្សែភ្លើងស្លាប់យ៉ាងអាណោចអាធ័ម។
ករណីនេះកើតឡើងនៅវេលាម៉ោង១និង២០នាទី រសៀលថ្ងៃទី៥ ខែកុម្ភ: ឆ្នាំ២០១៨ ភូមិបុស្ស ឃុំដំដែក ស្រុកសូទ្រនិគម ខេត្តសៀមរាប។
សពមានឈ្មោះ សែម ថង ភេទប្រុស អាយុ២៥ឆ្នាំ មុខរបរកម្មករម៉ាស៊ីនស្រូវ រស់នៅភូមិជ្រៃជើង ឃុំកៀនសង្កែ ស្រុកសូទ្រនិគម ខេត្តសៀមរាប ។
ក្រោយកើតហេតុ សមត្ថកិច្ចផ្នែកកោសល្យវិច័យបានចុះមកពិនិត្យសពបានឲ្យដឹងថាពិតជាស្លាប់ដោយសារតែឆក់ចរន្តអគ្គិសនីពិតមែន និងប្រគល់ឲ្យក្រុមគ្រួសារធ្វើបុណ្យតាមប្រពៃណី៕
មតិយោបល់