ឧត្តរមានជ័យ: សមត្ថកិច្ចបានប្រាប់Post Newsថា មានករណីបុរសម្នាក់ ត្រូវបានមែកឈើងាប់ ធ្លាក់ចំក្បាលបណ្តាលឲ្យស្លាប់យ៉ាងអាណោចអាធ័ម កាលពីវេលាម៉ោង៨និង១៥នាទីព្រឹក ថ្ងៃទី២០ ខែកុម្ភ: ឆ្នាំ២០១៨ នៅចំណុចដីចម្ការមួយកន្លែង ក្នុងភូមិអូរគ្រញូង ឃុំត្រពាំងព្រៃ ស្រុកអន្លង់វែង ខេត្តឧត្តរមានជ័យ។
ជនរងគ្រោះឈ្មោះ យ៉ាន់ ទ័រ ភេទប្រុស អាយុ៤៦ឆ្នាំ ស្នាក់នៅភូមិកប់ថ្លុក ឃុំដំរីស្លាប់ ស្រុកកំពង់ស្វាយ ខេត្តកំពង់ធំ។
មុនពេលកើតហេតុជនរងគ្រោះនិងមិត្តភក្តិដែលរស់នៅភូមិជាមួយគ្នា បានមកស៊ីឈ្នួលកាប់ចម្ការឲ្យគេនៅចំណុចកើតហេតុ ដោយបានកាប់ដើមឈើមួយដើម ស្រាប់តែមានមែកឈើងាប់ ធ្លាក់ចំពីលើក្បាលបណ្តាលឲ្យស្លាប់ភ្លាមៗតែម្តង។
ក្រោយកើតហេតុសមត្ថកិច្ចបានចុះទៅពិនិត្យនិងធ្វើកំណត់ហេតុ ប្រគល់សពឲ្យសាច់ញាតិយកទៅធ្វើបុណ្យតាមប្រពៃណី៕
មតិយោបល់