កណ្ដាល ៖ សមត្ថកិច្ចឃាត់ខ្លួនជនល្មើសម្នាក់ ក្នុងចំណោមបក្ខពួកចំនួន៤នាក់ បានជិះម៉ូតូ១គ្រឿង ឌុបគ្នាពីច្បារអំពៅមកផ្សារអ្នកលឿង ហើយធ្វើសកម្មភាព ចូលលួចទូរស័ព្ទដៃ ។
ករណីនេះ កើតឡើង កាលពីវេលាម៉ោង១១និង៣០នាទី ថ្ងៃទី១១ ខែ០៤ ឆ្នាំ ២០១៦ នៅចំណុច ផ្សារកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្តាល។
របាយការណ៍សមត្ថកិច្ច បានឲ្យដឹងថា ជនល្មើសចំនួន០៤ នាក់ ១.ឈ្មោះ ពេជ្រ ពៅ ភេទប្រុសអាយុ២០ឆ្នាំ ជាតិខ្មែរ មានទីលំនៅៗភូមិ៣សង្កាត់ឃ្មួញ ខណ្ឌសែនសុខ រាជធានីភ្នំពេញ មុខរបរមិនពិត ( ឃាត់ខ្លួន ) ។ ២.ឈ្មោះ ហេង ឡេង ភេទប្រុសអាយុ៨ឆ្នាំ ជាតិខ្មែរ មុខរបរមិនពិត( អត់រៀន ) (គេចខ្លួនបាត់ ) ៣.ឈ្មោះ រ៉ន ស្រីនាង ភេទស្រី អាយុ១៧ឆ្នាំ ជាតិខ្មែរ មុខរបរមិនពិត មានទីលំនៅៗសង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ( គេចខ្លួន ) ។ ៤. ឈ្មោះ ស្រីឡា ភេទស្រី អាយុ២០ឆ្នាំជាតិខ្មែរ មុខរបរមិនពិត មានទីលំនៅៗ ភូមិឃុំជាមួយឈ្មោះ រ៉ន ស្រីនាង ( គេចខ្លួន ) ។
របាយការណ៍ បានបន្ដទៀតថា ជនរងគ្រោះ ចំនួន ០៤ នាក់ ១.ឈ្មោះ តុប ស្រីពេជ្រ ភេទស្រី អាយុ៣៣ឆ្នាំជនជាតិខ្មែរ មានទីលំនៅ ភូមិកំពង់ពោធិ ឃុំកំពង់ភ្នំ ស្រុកលើកដែក ខេត្តកណ្តាល ។(ម្ចាស់ទូរស័ព្ទដៃម៉ាក អាយហ្វូន.5.)។ ២.ឈ្មោះងី គាងភេទប្រុស ជនជាតិខ្មែរអាយុ៥៥ឆ្នាំ មានទីលំនៅៗភូមិឃុំកើតហេតុខាងលើ ។ (ម្ចាស់ទូរស័ព្ទម៉ាកអាយហ្វូន.5.) ។ ជនរងគ្រោះទី៣ និងទី៤. ( មិនស្គាល់) នៅផ្សារអ្នកលឿងត្រើយខាងកើត ស្រុកពាមរក៏ ខេត្តព្រៃវែង ។
របាយការណ៍បន្ដថា វត្ថុតាង រួមមាន ទូរស័ព្ទដៃម៉ាក អាយហ្វូន.5. ចំនួន០២ គ្រឿង( ប្រគល់ឲ្យម្ចាស់វិញ ) ។ ទូរស័ព្ទដៃម៉ាក អាយហ្វូន.4 ០១គ្រឿង (ដកហូតរក្សាទុក) ទូរស័ព្ទដៃម៉ាក សាំស៊ុង ដូស ០១គ្រឿង(ដកហូតរក្សាទុក) ទូរស័ព្ទដៃម៉ាក ស៊ីងទិក ០១ គ្រឿង (ដកហូតរក្សាទុក)។
គួរបញ្ជាក់ថា រហូតដល់ម៉ោង១១និង៣០នាទីថ្ងៃដែល ជនល្មើសទាំង០៤នាក់ ក៏បាននាំគ្នាដើរចូលមកលួចទូរស័ព្ទដៃនៅក្នុងផ្សារកំពង់ចម្លងអ្នកលឿងត្រើយខាងលិចទៀត ភ្លាមនោះសមត្ថកិច្ចយើងក៏បានទទួលព័ត៌មានពីជនរងគ្រោះ រួចក៏បានធ្វើការឃាត់ខ្លួនជនល្មើសឈ្មោះ ពេជ្រ ពៅ និងវត្ថុតាងទូរស័ព្ទដៃចំនួន០៥គ្រឿង នាំមកផ្នែកជំនាញនៃអធិការដ្ឋាននគរបាលស្រុក ដើម្បីកសាងសំណុំរឿងបញ្ជូនតាមនីតិវិធី ។ ចំណែក០៣នាក់ ទៀតដូចបានរៀបរាប់ឈ្មោះខាងលើ បានជិះម៉ូតូរត់គេចបាត់អស់ ៕
មតិយោបល់