Post News Media ព័ត៌មានជាតិ ​ផឹកស្រវឹង ជិ...

​ផឹកស្រវឹង ជិះកង់លឿនដូចហោះ ក៏ដួលជុងក..ស្លាប់យ៉ាងអាណោចអាធ័ម

ពោធិ៍សាត់: លោកវរសេនីយ៍ត្រី ឯម រុន អធិការស្រុកគរ បានប្រាប់ Post News ថា មានករណីបុរសម្នាក់ បាន​ជិះកង់ដួល​ ​ក៏ជុងនិងដៃចង្កូតកង់ខ្លួនឯង បណ្តាលឲ្យស្លាប់​បាត់ជីវិតតែម្ដង ដែលហេតុការណ៍នេះ បានកើតនៅ​វេលាម៉ោង​ ៦​ និង​ ២០​ នាទីល្ងាចថ្ងៃទី​៥​ ខែមីនា​ ឆ្នាំ២០១៨ នៅចំណុចចិញ្ចើមផ្លូវចូលវត្តនាគគួច​ ស្ថិតក្នុងភូមិ​ កំពង់លើ​ ឃុំ​ក្បាលត្រាច​ ស្រុកក្រគរ​ ខេត្ត​ពោធិ៍សាត់​។

ជនរងគ្រោះ​ ឈ្មោះ​ រៀម​ ផ្ដូច​ អាយុ ២៨​ ឆ្នាំ​ ភេទ​ប្រុស​ ជនជាតិ​ខ្មែរ​ រស់នៅភូមិឃុំកើតហេតុខាងលើ​ មុខរបរ​​ កម្មករ មានឪពុក​ឈ្មោះ​ ក្រូច​ រៀម​ អាយុ​ ៧៤ឆាំ្ន​ និងម្តាយឈ្មោះ​ ចាប​ យ៉ម​ អាយុ​ ៦៨ឆាំ្ន​។

តាមសមត្ថកិច្ច បានឲ្យដឹងថា សាកសពមានស្នាមរបួស​ ១​ កន្លែង​ត្រង់ចំណុច​ចំហៀងបំពង់កផ្នែកខាងសាំ្ត​ ទំហំ៤​ cm X ៥​ cm ជម្រៅ​ ដល់ឆ្អឹង​។

ដោយតាមការស៊ើបអង្កេត​ស្រាវជ្រាវ របស់កណកម្មការពិនិត្យសាកសព​ នៅកន្លែងកើតហេតុ សមត្ថកិច្ច បានសន្និដ្ឋានថា​ ជនរងគ្រោះ ស្ថិតក្នុងស្ថានភាពស្រវឹង បានជិះកង់លឿន​ ទើបដួល​ហើយក៏ជុងកនិងវត្ថុរឹង​ (​ដៃចង្កូតកង់ខ្លួនឯង​ )​ បណ្តាលឲ្យស្លាប់​ភ្លាមៗ នៅនឹងកន្លែង។

បច្ចុប្បន្នសព ត្រូវបាបសមត្ថកិច្ចប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី​៕