ភ្នំពេញៈ មានការភ្ញាក់ផ្អើលមួយបានកើតឡើង បន្ទាប់ពីមានជនសង្ស័យ១ក្រុម ធ្វើសកម្មភាពឆក់កាបូបពីបុរស២នាក់មិនសម្រេច ទើបសម្រេចចិត្តផ្តួលម៉ូតូរត់បាត់ស្រមោល កាលពីវេលាម៉ោង១០និង១០នាទី យប់ថ្ងៃទី១៦ ខែមីនា ឆ្នាំ២០១៨ នៅជិតកុងទីណង់តាល់ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។

ប្រភពពីជនរងគ្រោះបានឲ្យដឹងថា មុនពេលកើត គាត់ជិះម៉ូតូធូឌេ ពណ៌ក្រហម ពាក់ស្លាកលេខ ភ្នំពេញ1FN-0400 ពីលិចទៅកើត ដល់ចំណុចកើតហេតុ ក៏មានជនសង្ស័យ១ក្រុម ក្នុងនោះមានជនសង្ស័យម្នាក់ដែលជិះម៉ូតូសង់សេ១២៥ ស៊េរី២០១៧ ស្លាកលេខ ភ្នំពេញ1GW-1619 មកធ្វើសកម្មភាពឆក់កាបូបពីជនរងគ្រោះដែលកំពុងកាន់នឹងដៃ តែមិនសម្រេចក៏ដួលម៉ូតូ ទើបរត់ចោលម៉ូតូតែម្តង ត្រូវបានសមត្ថកិច្ចយកទៅរក្សាទុកដើម្បីស្រាវជ្រាវបន្តទៀត៕

https://youtu.be/4a8SgjcWlQc