​តាកែវ: មានករណីគ្រោះថ្នាក់ចរាចរណ៍មួយបានកើតឡើង ដោយរថយន្តហ៊ីយ៉ាន់ដាយ​បុករះរថយន្តដឹកកម្មករ និងម៉ូតូ៣គ្រឿង បណ្តាលឲ្យរងរបួសប្រុសស្រី១២នាក់ កាលពីវេលាម៉ោង៥ល្ងាច ថ្ងៃទី១៧ ខែមីនា ឆ្នាំ២០១៨ នៅលើផ្លូវជាតិលេខ២ ចន្លោះគីឡូម៉ែត្រ៣២-៣៣ ភូមិឃ្លាងសម្បត្តិ ឃុំពត់សរ ស្រុកបាទី ខេត្តតាកែវ។

រថយន្តបង្កម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ3D-1132 បើកបរដោយឈ្មោះ កែម ភារម្យ ភេទប្រុស អាយុ៣២ឆ្នាំ មានទីលំនៅខណ្ឌដង្កោ។ បានបុកជាមួយរថយន្តសាំយ៉ុង ពណ៌ស ពាក់ស្លាកលេខ ភ្នំពេញ2O-6764 បើកបរដោយឈ្មោះ ធួន វៃ ភេទប្រុស អាយុ៣៨ឆ្នាំ មានទីលំនៅស្រុកបាទី ខេត្តតាកែវ។ហើយបានបន្តទៅបុកម៉ូតូ៣គ្រឿងទៀត ម៉ាក ហុងដា សេ១២៥ ពណ៌ខ្មៅ ស៊េរី២០១៥ ពាក់ស្លាកលេខ តាកែវ1J-7595 ,ម៉ូតូម៉ាក ហុងដា សេ១២៥ ពណ៌ខ្មៅ ស៊េរី២០១១ ពាក់ស្លាកលេខ ភ្នំពេញ1AV-4238 និងទី៣ម៉ាក គុបជ្រុង ពណ៌ខៀវ ពាក់ស្លាកលេខ ភ្នំពេញ1G-0058។

ចំណែកជនរងគ្រោះ១២នាក់រួមទាំងម្ចាស់រថយន្តនិងម្ចាស់ម៉ូតូ ត្រូវបានបញ្ជូនទៅមន្ទីរពេទ្យបង្អែកស្រុកបាទី៕