Post News Media ព័ត៌មានជាតិ ចុមខ្លាំងបាត់...

ចុមខ្លាំងបាត់! អាងខ្លួនជាម្ចាស់ខុនដូរជិះរថយន្តស៊េរីទំនើបកប់ពពក ដកកាំភ្លើងវាយក្បាលអ្នករើសអេតចាយ!

ភ្នំពេញ: មានករណីហិង្សាមួយបានកើតឡើង ដោយមានបុរសម្នាក់ជាម្ចាស់ខុនដូរមួយកន្លែង បានបើករថយន្តស៊េរីទំនើបមួយគ្រឿង​ដកកាំភ្លើងមកវាយក្បាលអ្នករើសអេតចាយម្នាក់ បណ្តាលឲ្យបែកហូរឈាម ដេរជាច្រើនថ្នេរ។

ហេតុការណ៍នេះកើតឡើងនៅម៉ោងប្រហែលជា១១ព្រឹក ថ្ងៃទី២៤ ខែមេសា ឆ្នាំ២០១៨ ផ្លូវលេខ៣៦៨ សង្កាត់បឹងកេងកង៣ ខណ្ឌចម្ការមន រាជធានីភ្នំពេញ ។

បុរសដែលដកកាំភ្លើងវាយក្បាលអ្នករើសអេតចាយខាងលើនេះ មានឈ្មោះ ប៉ិច តុងហេង បានជិះរថយន្តស៊េរីទំនើប ម៉ាកChevrolet Camaro ពាក់ស្លាកលេខ ភ្នំពេញ 2AP- 8989 ហើយករណីនេះកើតឡើង ខណ:ដែលជនសង្ស័យជាម្ចាស់ខុនដូរដែលជិះរថយន្តស៊េរីទំនើបមួយនេះ បានបើករថយន្តរោទ៍សម្លេងខ្លាំងៗ ទើបជនរងគ្រោះឈ្មោះ សាំង តុលា អាយុ ២១ឆ្នាំ ជាអ្នករើសអេតចាយ ងាកមើល ស្រាប់តែបើករថយន្តត្រឡប់មកវិញដកកាំភ្លើងវាយសំពងក្បាល បណ្តាលឲ្យបែកតែម្តង៕