ព័ត៌មានជាតិ

សម្តេចតេជោ ហ៊ុន សែន អញ្ជើញជាអធិបតិក្នុង ទិវាអតីតយុទ្ធជនកម្ពុជា លើកទី៩ នៅកោះពេជ្រ

ភ្នំពេញ: នៅព្រឹកថ្ងៃទី២១ ខែមិថុនា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្រ្តីនៃរាជរដ្ឋាភិបាលកម្ពុជា និងជាប្រធាន​សមាគមអតីតយុទ្ធជនកម្ពុជា អញ្ជើញ​ជាអធិបតីភាព ក្នុងពិធីរំលឹកខួប ទិវាអតីតយុទ្ធជនកម្ពុជា លើកទី៩ ដែលប្រារព្ធឡើង នៅសាលមហោស្រពកោះពេជ្រ។

សម្តេចតេជោ ហ៊ុន សែន ផ្ញើសារលិខិត ជូនជនរួមជាតិ ក្នុងឱកាសខួបលើកទី៩ នៃទិវាអតីតយុទ្ធជនកម្ពុជានេះ បានបញ្ជាក់ថា ទិវាអតីតយុទ្ធជនកម្ពុជា ត្រូវបានធ្វើឡើងដើម្បីរំឭកដល់​គំរូវីរភាពដ៏​មោះមុត និងគុណបំណាច់ដ៏ធំធេងរបស់វីរយុទ្ធជន-យុទ្ធនារី នៃកងកម្លាំងប្រដាប់អាវុធ និងប្រជាពលរដ្ឋគ្រប់ស្រទាប់ ដែលបានធ្វើពលិកម្មយ៉ាងអង់អាចក្លាហាន បូជាសាច់ស្រស់ឈាមស្រស់ ដើម្បីបុព្វ​ហេតុជាតិ មាតុភូមិជាទីស្នេហានៃយើង៕

មតិយោបល់