ព័ត៌មានជាតិ

បុគ្គលិកធានាគាស្ថាបនាម្នាក់ ជិះម៉ូតូ ទៅបុករថយន្ត ស្លាប់ភ្លាមៗ

កំពង់ធំ: នៅវេលាម៉ោង៨ និង៤០នាទីយប់ថ្ងៃទី២៦ ខែមេសា ឆ្នាំ២០១៨ មានករណីគ្រោះថ្នាក់ចរាចរណ៍ រវាងម៉ូតូ ប៉ះគ្នាជាមួយរថយន្ត បណ្ដាលឲ្យស្លាប់បុរសម្នាក់ នៅលើកំណាត់ផ្លូវជាតិលេខ៦ ចន្លោះគីឡូម៉ែត្រលេខ ១០៨-១០៩ ភូមិសាល ឃុំទ្រៀល ស្រុកបារាយណ៍ ខេត្តកំពង់ធំ។

ម៉ូតូម៉ាកហុងដា C125 ពណ៌ខ្មៅ ពាក់ស្លាកលេខភ្នំពេញ1FM.8861 បើកបរដោយ លឹម គីមហ៊ុន ភេទប្រុស អាយុ២៤ឆ្នាំ រស់នៅភូមិក្រសាំងជ័យ ឃុំបារាយណ៍ ស្រុកបារាយណ៍ ខេត្តកំពង់ធំ ជាបុគ្គលិកធានាគាស្ថាបនា ស្លាប់នៅកន្លែងកើតហេតុ។ ចំណែករថយន្ត ម៉ាកហ៊ីយន់ដាយ (ភ្លៅ៤) ពណ៌ស ពាក់ស្លាកលេខក.៥៦៣៩.ភព៣ អ្នកបើកមិនស្គាល់អត្តសញ្ញាណ បានរត់គេចខ្លួនបាត់។

តាមសមត្ថកិច្ច បានឲ្យដឹងថា​ មូលហេតុជាបឋមបង្ក ដោយអ្នកបើកបរម៉ូតូ បើកបរក្នុងស្ថានភាពស្រវឹង និងមានល្បឿនលឿន។

បច្ចុប្បន្នវត្ថុតាងម៉ូតូ និងរថយន្ត ត្រូវបានយកមករក្សាទុក នៅអធិការដ្ឋាននគរបាលស្រុកបារាយណ៍ ដើម្បីធ្វើការដោះស្រាយនៅពេលក្រោយ៕

មតិយោបល់