Post News Media ព័ត៌មានជាតិ ចុម! កំពុងអង្...

ចុម! កំពុងអង្គុយធ្វើការសុខៗ ស្រាប់តែផ្ទុះ​បូម​កៅអី​ បណ្ដាលឲ្យ​បុគ្គ​លិ​កម្នាក់​រងរបួស​ធ្ងន់

បាត់ដំបង: នៅ​ថ្ងៃទី៤ ខែមិថុនា ឆ្នាំ២០១៨ មាន​ហេតុការណ៍​ដ៏​កម្រ និង​នឹកស្មាន​មិន​ដល់​មួយ​បាន​កើតឡើង ដោយ​បុគ្គលិក​ក្រុមហ៊ុន​ម្នាក់ បាន​រងរបួស​ជា​ទម្ងន់ ត្រូវបញ្ជូន​ទៅកាន់​មន្ទីរពេទ្យបង្អែក​ខេត្ត ​ដើម្បី​សង្គ្រោះ​ខណ:ដែល​ជនរងគ្រោះ​កំពុង​អង្គុយ​ធ្វើការ​នៅក្នុង​ការិយាល័យសុខៗ ស្រាប់តែ​បូម​ខាងក្រោម​បាន​ផ្ទុះឡើង​តែម្តង បណ្តាល​ឲ្យ​បំណែក​កៅអី​ខ្ទាត​ត្រូវ​ត្រង់​គ្រាប់ភ្នែក​ខាងឆ្វេង បង្ក​នូវ​ការភ្ញាក់ផ្អើល​យ៉ាងខ្លាំង​ក្នុង​ស្តង់​លក់​ម៉ូតូ​យីហោ ហ៊ុយ ហួ​ក ត្រង់ចំណុច​ភូមិ​ថ្មគោល​ត្បូង ឃុំ​តាពូង ស្រុក​ថ្មគោល ខេត្តបាត់ដំបង។

ជនរងគ្រោះ​ខាងលើ ជា​បុគ្គលិក​ក្រុមហ៊ុន មានឈ្មោះ យ៉ាន លី​ហូ​វ ភេទ​ប្រុស អាយុ ២១ឆ្នាំ មាន​ទីលំនៅ​ភូមិ​ក្បាល​ខ្មោច ឃុំ​ជ្រៃ ស្រុក​ថ្មគោល ខេត្តបាត់ដំបង ។ ភ្លាមៗនោះ ខាង​ក្រុមហ៊ុន​បាន​បញ្ជូន​ជនរងគ្រោះ​ទៅកាន់​មន្ទីរពេទ្យបង្អែក​ខេត្ត ដើម្បី​សង្គ្រោះ​ផងដែរ៕