Post News Media ព័ត៌មានជាតិ រថយន្ត ពន្លះម...

រថយន្ត ពន្លះម៉ូតូ១គ្រឿង នៅផ្លូវចុះចំណោតលោកយាយម៉ៅ របួសមនុស្ស ២នាក់

ព្រះសីហនុ: ករណីគ្រោះថ្នាក់ចរាចរណ៍មួយ រវាងរថយន្ត និងម៉ូតូ នៅវេលាម៉ោង ជិត៧កន្លះព្រឹកថ្ងៃទី២២ ខែមិថុនា ឆ្នាំ២០១៨ លើផ្លូវ​វិថី​ផែ​ ត្រង់ចំណុច​ចំណោតលោក​យាយ​ម៉ៅ​ ក្រុងព្រះសីហនុ​ បណ្ដាលឲ្យរងរបួសមនុស្ស ២នាក់។

រថយន្ត​ដឹក​ទំនិញ​ម៉ាក​ HYUNDAI ពណ៌ស ពាក់ស្លាកលេខ​ភ្នំពេញ​3D-8551 អ្នកបើកបរ​ មិន​ស្គាល់​អត្តសញ្ញាណ​ មានទិសដៅពី​ភ្នំពេញ​ ឆ្ពោះ​មក​ខេត្ត​ព្រះសីហនុ​ លុះដល់ចំណុចខាងលើ​ ដោយសារស្ថានភាព​ផ្លូវ​ចុះ​ចំណោត​រថយន្ត​ក៏បាន​រេចង្កូត​មក​ខាងឆ្វេង​ដៃ​កៀរ​រនាំង​សុវត្ថិភាព​ រួច​បន្ត​ទៅ​បុក​ពីខាង​ក្រោយ​ម៉ូតូ​១គ្រឿង​ម៉ាក​ HONDA SCOOPY ពណ៌​ ស​ គ្មានស្លាកលេខ​ មានទិសដៅ​ស្របគ្នា​ បើកបរ​ដោយ​ឈ្មោះ​ នី​ ថា​ ភេទ​ ប្រុស​ អាយុ​ ៣៨ឆ្នាំ​ មុខរបរ​ ជាង​ជួសជុល​ម៉ូតូ​ ដឹក​កូន​ប្រុស​ម្នាក់​ឈ្មោះ​ នី​ សុវណ្ណរីទ្ធិ​ ភេទ​ ប្រុស​ អាយុ​ ៦ឆ្នាំ​ មុខរបរ​ សិស្ស​ មានទីលំនៅ​ភូមិ​១​ សង្កាត់​លេខ​១​ /ខេត្ត​ព្រះសីហនុ​ ។

ករណី​នេះ ​បណ្ដាលភាគីម៉ូតូ​​រងរបួស​ចំនួន​ ០២នាក់​៖ ១-ឈ្មោះ​ នី​ ថា​ ជាឪពុកអ្នកបើកបរ​ម៉ូតូ​ រងរបួស​ស្រាល​ និង២-ឈ្មោះ​ នី​ សុវណ្ណរិទ្ធិ​ ជាកូន រងរបួស​ ធ្ងន់​ បាន​បញ្ជូន​ទៅ​សង្គ្រោះ​នៅ​គ្លីនិក​មិត្តភាព​។

ចំណែក​អ្នកបើកបរ​រថយន្ត​ បានរត់​គេច​ខ្លួន​បាត់​ ក្រោយ​ពេល​កើតហេតុ​។ បច្ចុប្បន្នសមត្ថកិច្ច កំពុងបន្តនិតិវិធីដោះស្រាយរឿងនេះ តាមផ្លូវច្បាប់៕